男人的精力

男人最多可以射幾多次,點解男人射完就會累?

Hello​:smiling_face_with_three_hearts:其實都好難答到你男人最多可以射幾多次精呢個數字,但我哋可以一齊睇吓性反應週期呢一樣嘢~性反應周期(Sexual Response Cycle)係指性行為/自慰過程中,男女在心理同生理上嘅改變過程。一般分為四個階段:

男性的性反應週期

  1. 興奮期(Excitement):受到生理或心理嘅刺激後,血液會流向海綿體,使海綿體膨脹變硬,陰囊會收緊使睾丸內縮。同時,生理反應都會產生變化,例如心跳同埋呼吸加快,血壓變高。

  2. 持續期(Plateau):龜頭同睪丸會因為血液嘅流入而增大。臀部同埋大腿肌肉都會變緊。

  3. 高潮期(Orgasm):骨盆底肌肉、前列腺、儲精囊、輸精管會有一連串嘅收縮反應,最後就會射精,將精液經由尿道排出體外。男性嘅性高潮大約持續10~30秒,期間肌肉會不自主收縮。

  4. 消退期(Resolution):陰莖同睪丸會漸漸恢復未勃起前嘅狀態,呼吸同心跳則仍會保持在較高嘅速率。與女性並唔同嘅係,男性喺性高潮過後會進入不反應期,呢個就係造成男性無法連續產生性高潮(射精)嘅原因,不反應期嘅長短會因年紀嘅增長而逐漸拉長,意思即係年輕人只需要較短嘅時間就可以再次產生性高潮,但年老啲嘅人就需要較長時間嘅休息,先可以再進入性高潮。

所以回應返你嘅問題,除咗睇年紀,而且仲有其他因素影響性高潮嘅次數,例如日常嘅運動量,本身身體狀況,刺激度等。