月經遲嚟,擔心會有咗

嚟緊我就考dse,唔知係因為壓力大定真係有咗先月經未嚟。
我月經週期平均32日,原本預計係5/4會嚟m,但到今日8/4 都未嚟,之前都有unprotected sex,有啲擔心會有咗。
上網睇懷孕初期症狀都同經前綜合症好似。依家我白帶量好少,有肚瀉肚脹嘅情況出現,不過冇胸脹胸痛嘅情況,其實會唔會係我諗多咗?

你好,月經係由幾個繁複嘅身體系統互相配合而形成,所以好容易受到唔同身體因素影響,例如荷爾蒙分泌、飲食習慣、作息、壓力(正如你面臨嘅DSE) 、藥物、生病等等。因此月經週期受到呢啲因素影響下,月經或會提早或延遲。 你可以等多幾日睇睇,或者放鬆心情後月經就黎。

你講得好啱,其實好多懷孕嘅徵狀都同月經前後嘅症狀好類似,而且亦可以同其他身體唔舒服嘅情況類似。例如你覺得肚脹,可以係因為差唔多來月經,亦可以係因為壓力大或者腸胃不適。所以我哋並唔可以單憑身體症狀就去判斷一個人係咪就快嚟月經,或者係咪已經懷孕。至於白帶嘅問題,因為分泌物量同身體狀況或荷爾蒙改變有關,所以有機會出現多或少,一般嚟講都係屬於正常嘅情況。如果白帶有異味或黃色、綠色,就要向醫生求助啦。

你所指嘅之前有unprotected sex(不安全性行為)係幾耐之前發生嘅呢? 其實最快係性行為發生7日後已經可以透過驗孕棒檢測到初步結果,而係性行為發生11日後或者預計月經日子驗孕結果就會更加準確。如果已經相隔足夠時間,你可以先透過驗孕棒測試一下,咁就可以科學地知道自己有冇懷孕啦。

最後,我地都建議返下次進性行為時記得使用安全措施,例如係戴返安全套或者事前避孕藥,減低懷孕同性病傳播嘅風險,保證雙方安全。

(intern 同學 Tommy)

想問驗孕棒係咪普通藥房有售?

冇錯,或者一啲超級市場例如萬寧,屈臣氏都有得買~驗孕棒亦都有電子版,可以睇返包裝上嘅指引,揀返自己適合嘅:ok_woman:t2:

驗咗陰性係咪即係冇事㗎啦?仲未嚟M有啲擔心

基礎體溫維持喺36.4-36.5

介唔介意講下你幾時先開始驗孕?距離上次性行為有幾耐? 如果係按照以下講嘅方式進行驗孕:「最快係性行為發生7日後已經可以透過驗孕棒檢測到初步結果,而係性行為發生11日後或者預計月經日子驗孕結果就會更加準確」,幾乎都可以排除你係冇懷孕風險。

如果長時間都未黎月經,就可能係你體內荷爾蒙水平失衡,令到月經遲遲唔黎 。我地都建議你去睇睇醫生,了解情況,睇下需唔需要開返啲催經嘅藥。

(intern同學 Tommy)

12/4 驗孕,係預計嚟經日子後就7日
22/4 同4/4 都有過性行為 有冇需要再驗多次?

你係4月12日驗孕,距離最後一次嘅性行為係4月4日,性行為後7日驗孕結果都算準確,如果都係唔放心,都可以再驗多次,因為發生性行為11日後結果就會非常準確。

我地都建議你係之後嘅性行為都記得戴上安全套,除咗可以避免意外懷孕,同埋感染性病嘅風險外同時,最緊要都係希望係安全性行為嘅底下,唔會為你嘅生活帶嚟壓力同埋憂慮。:blush:
(intern同學 Tommy)