幾年前試過感染念珠菌 當時會分泌好多豆腐渣 睇過幾次醫生都冇好轉 又抽過分泌去驗結果係念珠菌 後來過左一排忽然冇左啲分泌 但keep住有少少痕 正常嗎？有咩方法可以斷尾唔再癢？好擔心 ； 另外咁樣既情況可以去打子宮頸癌針嗎？
呢種痕癢維持左有無幾年？同埋你會點樣處理佢？
維持左大約三年 我冇理佢 但有日日用女性潔膚液 冇咩異常分秘 只係有時有少少白帶 試過用塞藥都冇咩改善
好擔心
有無試過唔用女性清潔液？
@siuhokei 試過唔記得用 ； 但我覺得係啲內分泌（好少量，透明）搞到痕 應該唔關用潔膚液事？
陰部清潔其實唔需要用潔膚液，因為潔膚液反而會影響陰部健康同有害細菌個平衡，而且佢地有好多化學成份係會導致皮膚敏感。沖涼個時只需要用洗開嘅沐浴露加清水稍稍清潔就可。
正常陰部都會有白帶嘅分泌，我覺得係因為陰部皮膚比較敏感，所以有白帶流出時刺激到。
陰部保養不外乎都係保持乾爽，著棉質內褲啦，少著焗住陰部嘅裝束如絲襪legging或者熱褲，多啲著裙，勤換護墊同M巾。
咁癢癢係正常的嗎？ 會唔會係有咩病？可否打子宮頸癌疫苗？
因為呢度唔可能知道你點痕癢同埋個程度是否可以接受，如果你覺得係痕到忍唔到，睇醫生同遵照醫生指示醫治會好啲。
陰部痕癢同打疫苗應該無關，但既然都要去搵醫生打嘅時候，不妨兩者同時獲取醫生意見吧。
唔該晒你！