今日已經係周期嘅第37日，都仲未嚟m，好擔心
胸有少少脹，但係我冇性行為，咁究竟會係咩原因搞到遲咗，好驚係懷孕，同埋我平時都算準時
Hello
首先想你知道，月經係由身體幾個繁複嘅系統互相配合而形成，所以好容易受到身體／環境因素影響而發生變化。例如荷爾蒙分泌、飲食、作息、壓力、生病或者藥物等等。每人每次嘅月經週期情況，包括週期長度、流血日數、流血量、經痛程度同經前不適情況等，都可能會唔同。 
當健康嘅精子同卵子相遇、卵子受精、受精卵成功著床，先為之懷孕。如果你發生過任何性行為／性接觸嘅話，係唔會有懷孕嘅可能性。你所講嘅胸部脹應該係經前症狀，月經之後會消退。
你會唔會呢排壓力比較大或者休息得唔好？呢排食嘅嘢有冇唔同咗？呢啲因素都會影響你嘅月經情況嘅。耐心等待下，月經會出現嘅。 
胸部一直好漲，但月經都係未嚟，真係好擔心
其實上個禮拜有一兩日係有少少類似血絲嘅分泌物出現，不過好少，用紙巾抺完就冇
你好，陰道出現血絲有幾個可能性，第一係排卵性出血主要是因為排卵後黃體素增高、雌激素分泌減弱，但係仍能維持子宮內膜厚度，直到黃體退化造成黃體素、雌激素濃度下降就會引起子宮內膜脫落而造成月經出血。正因爲排卵時會出現雌激素減弱嘅狀況，黃體素分泌的量若不足以支撐內膜厚度，就可能造成子宮內膜部分剝落，所以會出現少量出血嘅狀況，通常係唔需要治療亦唔會對健康構成影響。
第二可能係非經期異常出血非經期出血除了排卵期出血之外，亦有可能是子宮頸發炎、或者陰道有破損口。
另外，陰道有血絲可能係疾病引致,如果出血情況持續，就需要去尋求婦科醫生嘅意見，再為你提供檢查，去深入瞭解下自己的身體狀況。如果無持續就唔洗擔心啦，一般都係排卵導致嘅出血。