Hello小妹係一個16歲既女仔，有好幾樣嘢想問，已經疑惑左一段時間，希望可以得到解答
首先係關於手淫既問題：
1.請問女仔有無話一日手淫幾多次先至叫做正常？因為上網search的話，只會搵到關於男仔手淫既解答，但就算嘗試去用男仔角度睇，都有好多唔同講法，有啲話一日只可以一次，有啲就話兩三次，有啲又話幾多次都得…
2.唔知點解最近自己手淫多左，之前無固定幾耐一次，但係好多時候都係兩三日先會有一次，最多都只係某一段時間每日一次，但係最近呢幾日都每日兩次，個過程係幾享受，但係過後又會有罪惡感，我應該點做？
而且有時就連溫溫下書都會突然有turned on既感覺，會唔會導致上癮？另，如果唔係的話，點樣為之性上癮？
3.亦都想問問，女仔手淫會唔會影響月經？我自己由踏入青春期開始就有手淫，而我自從有月經開始，就唔太穩定，有時早黎，有時遲黎，最遲可以係過一兩個月先黎，我有啲困惑，到底純粹係因為荷爾蒙問題，定係同手淫習慣有關係？
最後係關於其他身體部位既問題：
1.由13歲左右開始，我既乳暈位置就有痕癢既問題，有時嚴重啲既話就會有啲液體出左黎，之前有睇過醫生，話無咩事，但都無好清楚講到具體原因係咩，而家雖然習慣左，痕既話就會搽藥膏，但係咁耐以黎一直搽藥膏會唔會有咩副作用？同埋係純粹我既皮膚問題定係有其他原因？
以上係困擾左我都幾耐既問題，希望唔會太冗長Thx！！