現任係我第一個男朋友 我好愛佢 佢都好愛我
之前第一次進行了性行為
佢都會每次問下我咩感受 有無唔舒服個啲
攬攬錫錫都會濕有想要既感覺
但進行個時其實無咩feel 淨係feel到佢入左
然後抽插一兩分鐘咁 佢覺得好窄
但佢每次問我有咩感覺我都係照直講 雖然唔知會唔會唔係咁好 驚佢覺得好似無咩癮咁 都有少少壓力
上星期兩日做左五次 可能佢每次完左加上返完工都會好攰 所以有日佢就唔想濕吻 唔想錫完又硬
但我好鍾意同佢濕吻 因為我覺得好舒服好親密好鍾意佢
但佢做完咁攰 我又會有啲唔開心同心疼佢
呢個情況有無啲咩方法可以令我地相處都keep開心親密？我應唔應該直接同佢講？
Helloo
多謝你同我哋分享呀:)文字入面我都好感受到你一位好為伴侶着想嘅人，一方面好享受同佢親密嘅時間，另一方面亦會擔心令對方更加攰而有啲無所適從。呢度我都分享少少自己嘅睇法睇下你會唔會從中有啲啟發啦（戴定頭盔先唔一定啱
）
其實每個情侶都有自己獨特嘅相處模式呀，例如有啲人會傾好一個禮拜有幾多次sex，有啲人會傾好大家唔一定要有插入式性行為，有啲人會選擇先滿足對方，之後再自己解決性需要，但無論咩相處模式都需要喺大家有共識嘅前提下達成，而達成共識有樣好緊要嘅嘢就係溝通，所以呢度都好鼓勵你將自己嘅擔心/關注表達比對方知，睇下大家可唔可以喺段關係入邊調節到一個令到彼此感到舒服嘅相處方式，例如可能你會比較享受濕吻〉插入式性行為，會唔會從中都可以了解一下對方鍾意咩形式嘅性行為？如果唔太一致話，會唔會都可以透過其他途徑例如自慰、用性玩具等等滿足大家嘅性需要？
不過搵出彼此舒服嘅方法之前我哋都要聆聽一下對方嘅心聲，例如除咗「攰」令佢喺性行為方面有啲卻步之外，會唔會佢都擔心緊一啲野？因為我聽到你擔心直接同伴侶講你冇咩feel對方會覺得受傷，我相信現實中嘅你係一位心思細膩為人着想嘅人，不過有啲嘢如果我哋冇表達出嚟嘅話關係未必可以改善，甚至可能有啲嘢積埋積埋，爆發嘅時候可能就係更加難去處理。如果你feel到直接講會令佢介意，都可以用一個比較婉轉嘅方式去問，又或者你希望對方點樣做可以令到你更加享受性愛？始終情侶之間溝通嘅方式都唔同，並冇一個公式答案，但關鍵在於用心聆聽彼此嘅需要。
另外「但進行個時其實無咩feel 淨係feel到佢入左」，會唔會伴侶喺性行為嘅時候都有啲嘢可以做令你感到舒服啲？例如一邊插入嘅時候一邊濕吻/ 前戲做多啲/刺激陰蒂等等…其實探索身體都係一個了解自我嘅過程呀。不過如果自己本身真係唔鍾意插入式性行為都可以選擇同伴侶真誠咁坦白，假設對方真係因為你喺插入式性行為入面感到不滿足而唔開心，呢一份坦白亦都可以減少佢因為呢件事產生嘅內疚，不過我哋都唔需要為咗滿足關係而強迫自己一定要愛上插入式性行為，始終大家嘅喜好都可以唔同，反而大家嘅溝通先係最重要:)
祝你哋搵到理想嘅溝通方法：）有咩歡迎再上嚟問啦我哋都會喺度陪住你
多謝你呀 我會搵個機會同我男朋友討論下