中咗肺炎月經推遲

上次月經係5/3-11/3. 中間14,15, 30, 31/3, 5/4 都有unprotected sex. 肺炎大概係16/3 中嘅, 之後都有食panadol 同中藥嗰啲. 我嘅cycle 大概都係34 日左右. 以前嚟m前一定會有胸漲同痛, 但今次冇。而家除咗嗰下腹有啲抽住痛之外冇之前嚟m前嘅症狀. 之後9/4 同12/4都有去驗孕但negative. 其實中咗肺炎係咪會影響月經? 大唔大機會懷孕?

Hello~暫時未有一個詳細嘅醫學報告證明中咗或者打咗疫苗會對女性身體有咩影響,但其實自從疫情開始之後都有好多女性分享有關自己月經週期喺中左COVID之後嘅影響,例如月經唔規律,出現唔正常嘅血塊,或者嚴重嘅經痛等等。如果真係好擔心,可以搵醫生做個詳細嘅身體檢查去睇吓有冇後遺症,例如荷爾蒙分泌唔正常等等,都可能係造成月經延遲嘅原因。

當然,懷孕是導致停經的最主要原因,如果月經延遲一週以上,就要考慮係咪懷孕。可以先用驗孕棒測試,卵子受精後兩個星期測試最為準確。雖然你喺9/4同12/4都有去驗孕,但係唔排除卵子係喺5/4之後受精,所以建議19/4再用驗孕棒測多次。

另外,都想提提你,唔安全嘅性行為會增加懷孕同感染性病嘅機率,而當中唔少嘅後果都係無法逆轉嘅,會影響你同你另一半的健康,所以建議下次性交可以佩戴返安全套,或者食避孕藥減少懷孕嘅機會。

希望以上嘅資訊幫到你!