包莖一問 19歲

我19歲 一直有包莖 以前中學嗰陣包皮口好細 反都反唔到 但係一直冇理 直至最近我試吓反 鬆左d 未勃可以反到一半 勃左就三分一 想問下係咪我每日都試下反下 慢慢就會鬆d反到 或者係咪有藥膏可以 因為我真係唔想手術 超怕🥲

同埋我想問下包莖做愛會唔會好痛 上網睇有人話好痛 有人話帶左condom就冇事

Hi

Hello​:smiling_face_with_three_hearts:首先見到你有提及未勃起可以返到一半嘅包皮,勃起咗嘅話就返到三分之一嘅包皮,係呢個情況下,你都可以先每日做反包皮嘅練習,睇吓會唔會有機會鬆到啲。另外都想問吓,係做反包皮練習嘅時候,會唔會因為包皮拉扯產生疼痛感,或者出現硬度不足嘅問題?因為如果包莖嘅問題造成生活困擾,或已經因拉扯出現傷口,都建議及早就醫,請醫生判斷喺咪需要做切割包皮嘅手術。因為除咗以上提及嘅問題,成年包莖會導致清潔困難嘅問題,更易引起發炎感染,而且包皮嘅開口太狹小,都會導致排尿出現困難。喺發生性行為嘅時候,更加有機會出現疼痛感,或者擦傷龜頭嘅情況。

至於你話有冇藥膏可以搽,坊間有一啲類固醇藥物,但都唔建議喺藥房,或者唔係醫生處方下使用呢啲藥物,因為先比醫生檢查,未必一定需要做手術,而且藥膏嘅成份未明,有可能含有一啲致敏嘅成份。而現時切割包皮嘅手術亦都好先進,整個手術過程都會喺麻醉藥底下進行,而且手術時間較短,大約係15分鐘,疼痛感亦都較輕微,術後恢復時間亦都較短,所以呢一方面你都唔需要太擔心,最緊要都係先向醫生查詢。

過長嘅包皮雖然不會影響性功能及生育能力,但喺如果清潔不善,可能會較容易感染性病、陰莖癌,而且有導致性伴侶罹患子宮頸癌嘅風險。所以你可以先觀察一段時間,睇吓反包皮嘅練習對於包莖有冇改善,如果都係冇嘅話咁就需要諮詢返醫生嘅意見啦:ok_woman:t2:

多謝回覆 我反嗰陣唔會真係痛 同埋冇拉扯到有傷口 只係開口窄 我反左個幾禮拜比以前鬆左 雖然勃之後依然緊

Hello
正如我哋之前所講,如果持續練習一段時間,勃起之後依然唔可以輕鬆咁返到包皮露出成個龜頭,會有「箍住」或者緊嘅感覺,其實都不妨睇下醫生,睇下有冇需要進行割包皮。