有兩個問題困擾左好耐
我宜家27歲，我好似由中學開始發現包皮反岀嚟內側之後有少少肉色一點點嘅野，但係摸落去唔痛唔痕。印象中記得細個小便嘅時候有時好懶，冇fing乾淨，想問吓會唔會因為咁樣而up住所以有果啲野？但係想問，隔咗咁多年係咪都唔會散走？因為嗰啲點點冇多有冇少，有冇啲藥膏搽完可以退咗佢哋？另外我知道自己龜頭應該有唔係性病嘅珍珠丘疹，想問關唔關事？
想問吓其實性病係唔係主要會喺龜頭上面出現？因為我有時好怕我頭先第一個問題問嘅係性病嘅一種，不過我印象之中我發現佢哋嘅時候我都未發生性行為，加上我冇覺得任何嘅痛或者痕癢
Hello
好多謝你會選擇喺我哋嘅平台到詢問困擾左你好耐嘅問題～
有關肉色一點點嘅問題，想問返佢哋嘅分布係一束束、一排狀、定係獨立一點點咁樣？因為如果係椰菜花嘅話，肉粒嘅分布會係一束束，而且會有唔舒服，痕癢，或者痛楚嘅感覺。但見你描述嘅文字，都見到呢啲肉粒摸落去係唔通唔痕，所以都好大機會係珍珠疹。而珍珠疹出現嘅原因其實到現時都未有一個準確嘅因素，但佢外型係一排狀，唔會堆疊或者融合，呈乳白色嘅肉粒，生長喺龜頭邊緣，或者冠狀溝兩端。最重要嘅係佢對身體唔會有明顯嘅影響，亦都唔會傳染。如果你覺得佢嘅外觀都為你造成困擾嘅話，坊間都有一啲嘅手術係使用激光，或者氮氣冷凍切除。
一般性病都係透過高風險體液（精液、陰道分泌、腸液、血液）同受傷嘅黏膜組織（陰道、尿道口、肛門、腸道、眼睛、口腔等）直接接觸而傳播。而大部份嘅性病都係由性行為所引致，見到你有提及喺未發生任何性行為之前已經有呢啲肉粒，所以呢啲肉粒唔會係性病嘅一種，而且珍珠疹本身亦都唔係一種性病。至於你嘅提問「性性病係唔係主要會喺龜頭上面出現」，由於性病可以分為細菌型，病毒型，寄生蟲型，好多人感染咗性病之後都未必會有病徵，所以即使喺生殖器官上冇任何唔舒服嘅情況，都唔代表冇感染到性病。所以我哋都會建議如果係有恆常發生性行為，都可以每三個月做一次性病檢測。
希望解答到你嘅問題