我都唔知點樣介定自己性慾大唔大
首先講咗以前先
一直以嚟自慰時間其實都好短
因為根本拉唔低包皮，好似黐住咗咁
有一次，終於拉得到落冠狀溝，完全露出龜頭，我諗應該都係一兩年以內嘅事（而家19歲）
自從可以拉低之後，就一直拉低，連冇勃起嗰陣都可以露出龜頭，平時亦都有保持清潔
順帶一提，我而家喺屋企去廁所都係坐喺度，咁樣可以避免整污糟個廁所，同埋唔知點解成日都屙唔乾淨，所以要squeeze下佢，再用紙巾抹
言歸正傳，但當時我並冇改變自慰方式，仍然係隔住包皮 其實係因為冇lube，直接掂到龜頭會縮，淨係靠尿道球腺液根本唔夠
有時亦都純粹貪圖快感，就直接用高強度刺激，試過半分鐘之內就射，但係唔覺得滿足
有時唔滿足嘅時候，就諗住嚟多次，但因為啱啱射完，好敏感，根本刺激唔到，同埋冇咁硬，咁等咗幾分鐘，ok喇，再嚟過，但唔知點解反而唔舒服，但想停 硬住又好辛苦（我都唔知點解），導致更加想快啲射，雖然頭先已經射過一次，可能係因為覺得唔滿足，導致第二次嗰陣個人係超級horny，想隻手慢慢郁，但係竟然會不自覺加快
平時見到啲人話第二次會持久過第一次，可能因為種種情況加埋，我反而仲快過第一次
同埋通常會自慰都係因為自己走去睇porn
其實就咁睇又冇乜嘢，但自己又手多走去摸，摸下摸下覺得幾舒服，之後就順理成章
係最近先有改變
開始同身體溝通
慢返落嚟
唔再淨係追求快感
同埋有lube
唔使再隔住包皮 時間亦都因為咁而耐咗
亦都唔係因為睇porn而自慰
我而家都唔記得咗自己上次自慰係幾時
亦都冇話特別想去釋放
所以應該都唔算壓抑自己？
我第一句就話唔知點樣介定自己性慾大唔大
我而家好似有啲明
性慾會隨住時間 心情 身體狀況而改變
所以其實唔使咁執著去介定自己
但係我好想知當一個人真正想要嘅時候其實係咩感覺？
我自己好似feel唔到
壓抑性慾即係每當有性慾望時，就會制約與控制自己，將注意力從性慾轉到其他事物上。
正如你自己所講，「性慾會隨住時間 心情 身體狀況而改變」，其實冇話「性慾大唔大」係會同「好唔好」或者「正唔正常」相關。年齡、荷爾蒙水平、壓力、疲倦程度、環境、刺激程度等等唔同因素嘅變化都會影響一個人嘅性慾同埋對性嘅感覺。
至於你話你一兩年前「根本拉唔低包皮，好似黐住咗咁」，其實我哋建議每日沖涼嘅時候都要反包皮進行清潔，以免包皮垢堆積導致龜頭容易發炎。不過唔少人因為冇反包皮嘅習慣，所以啱啱開始反嘅時候會覺得唔舒服，甚至唔可以好順暢咁返到，其實喺冇包皮問題（例如過長／過緊）嘅情況下，只要每日循序漸進咁練習，經過一段時間係會反到嘅。
而啱啱開始反到包皮嘅時候，龜頭可能仲未適應習慣到刺激，所以好容易對刺激有比較大嘅反應。而且你嗰陣年紀相對比較細，荷爾蒙水平會浮動，都有機會令你嘅性器官相對敏感，會比較快射精。勃起同射精係神經系統同血液循環系統互相配合嘅結果，當陰莖受到刺激會充血變硬勃起，受到一定程度嘅刺激之後會射精，當神經反應消退，陰莖就會疲軟，而短期內亦唔會再對刺激產生好大嘅反應，即係「不應期」可能你有聽過坊間講「聖人模式」。不應期嘅長度同程度因人而異，甚至每人每次都會唔同。
至於「成日都屙唔乾淨，所以要squeeze下佢」，都值得留意下，如果有伴隨其他問題，例如排尿困難、痛楚、尿液斷續等，就值得睇下有冇一啲泌尿道問題，例如膀胱、前列腺和尿道問題。如果暫時都無嘅話，你都可以留意下如果你企係度去小便有冇同樣嘅問題，睇下會唔會係因為坐姿影響膀胱狀態而有呢個現象。
只要自慰依個行為唔會影響到日常生活就無問題，例如唔會因為經常諗住自慰而無法專心工作或者學業等等。
有可能係大多數人嘅認知中，有性慾望會令人感到羞恥，其實過分地壓抑性慾對人嘅身心健康有害，只要合理調節，可以用宣泄、轉移、等方法，就算係為性歡愉，都唔需要感到羞恥，因為係生活中正常嘅一部分，了解自己身體嘅行為。
每人對於唔同刺激嘅反應同埋感覺都會唔同。雖然通常龜頭係比較敏感嘅地方，會對刺激有較明顯嘅反應同感受，但係唔同嘅刺激方法、強度、頻率，造成嘅結果都可能唔同。
每個人對性既感覺都唔一樣, 唔同關係和時間發生會有唔同感覺, 有啲人覺得興奮, 有啲人會覺得好親密, 有啲人好緊張。有性慾好正常，唔需要話要同其他人有一樣嘅性衝動／性歡愉嘅感覺。如果你想進行性接觸，就係「真正想要嘅時候」。只要喺安全適宜嘅環境，唔會影響到其他人，就可以係一個時機。
(Intern同學：Coco Law)
如果你企係度去小便都有排尿覺得困難嘅問題，而呢樣嘢令到你困擾嘅，與其估估下同埋自己擔憂，不妨去搵醫生檢查下，排除我哋之前所講嘅泌尿系統問題。咁樣你都會安心啲，同埋如果真係有任何身體異常都可以盡早醫治呀。 
