其實可唔可以睇AV

我由細個二十年前起已經有大量睇av嘅習慣, 近年中意睇啲NTR系列, 冇劇情冇字幕幾乎無法勃起, 第一次和女朋友上床總是失敗告終, 因為好似對真實嘅"裸體"冇乜興趣, 大致呢十幾年情況都冇乜點變. 之後都冇拍拖只有召妓, 不過成功率都很低

幾年前睇新聞 & 搵性治療師知道睇得太多會影響. 近半年終於下定決心已經冇睇, 但我因為比較難單用性幻想或者文章令我勃起, 有時自慰過程開頭極短時間都會睇少少AV令自己成功勃起, 之後用性幻想或者文章令我完成, 想問可以嗎?

還是訓練到自己單用性幻想或者文章就可勃起?

話雖如此, 近一星期我睇返, 不過只限於全個自慰過程, 其他時間沒有睇, 另一個疑問就係我究竟係咪需要完全唔睇?

Hello​:smiling_face_with_three_hearts:關於可唔可以睇AV,或者係咪完全唔睇AV呢個問題,其實都冇一個既定嘅答案~

因為每個人都有屬於自己嘅刺激來源,例如你大多數會聽到嘅刺激來源係睇AV,相片,影像等。但另一方面,有啲人可能純粹聽到某一啲聲音,閱讀某一類文章都會刺激到,或者見到某一個身體部位都會刺激到。所以最緊要都係喺冇影響,同埋傷害其他人嘅前提下,搵到適合自己嘅刺激來源。

至於刺激時間,見到你有提及到性治療師話睇得太多AV會影響性能力,喺呢一方面,我就會建議你可以諗吓自己係想達到咩目標。意思即係,如果你嘅目標係希望建立對女朋友/真人嘅興趣,咁就可以嘗試減少睇AV,增加同女朋友/真人嘅性經驗,或者選擇一啲真人/自拍系列嘅AV,慢慢令自己對真人都產生刺激。如果你嘅目標係希望用性幻想或者文章令你成功勃起,咁就可以嘗試喺自慰嘅時候,用相片加影像嘅方式,或者影像加文字嘅方式代替AV,慢慢訓練自己可以用唔同嘅刺激來源成功勃起。

總括嚟講,最重要都係搵到適合自己嘅刺激來源同埋方法,除咗刺激來源,其實刺激方法都會影響勃起嘅成功率。你可以喺自慰或者同女朋友/真人發生性行為嘅時候(記住帶翻安全套,可以避免意外懷孕同埋預防感染性病啊:bulb:),探索自己唔同嘅敏感帶,有時環境,燈光,氣味都有機會係其中一個影響你性生活嘅因素,所以你可以用時間慢慢去探索同埋嘗試啊:ok_woman:t2: