9月1日 男朋友無帶套外射 但呢家好驚 佢好耐無打飛機 搞到好似好大機會中 雖然佢話佢sure無射到我入面 但都知道無帶套就好危險 所以我地都好驚 但因為上次period系8月21日 而我向來經期都幾穩定 所以要confirm有無中要等到月尾 因為好驚 所以晚晚都有online check info睇下點算 本來想等到11日後先用驗孕棒 但我好驚 想早少少驗 等可以前後驗兩次 我覺得壓力好大 成日好驚 中左又要落左佢 又驚比父母知道 所有野都好大壓力又無人可以傾訴 同埋其實中既機會系吾系真系好大？ 好驚 
即使係無內射, 男生性興奮時所分泌嘅前列腺液已經可以有足夠精子令女生懷孕。如果佢外面射精嘅地方都係陰部, 精子有機會通過你嘅愛液等體液游上去。
如果你月經週期準確, 應該就係30-31日左右 (上次係21/8, 預計下次係20/9)。1/9發生唔安全性行為, 即是離上次period第12日, 在危險期之餘, 如果好似上面咁講真係有精子係身體入面, 精子可以多生存幾日。
所以機會係比較高嘅, 但都唔代表一定會有。
你提出係20/9做驗孕係正確嘅, 但因為你宜家有壓力, 多少都會影響到下次月經。所以你如果係20/9都未黎, 就可以係個日驗。如果係negative的話, 可以7日之後再驗多次, 都係negative的話懷孕機會係微乎其微。
宜家我認為暫時無咩野可以做得到, 因為已經過左可以做緊急避孕 (不安全性行為後最遲120小時), 只可以放鬆自己, 亦都唔好再發生性行為。
如果你仲係覺得好困擾, 不妨將你心事或者煩惱嘅地方同大家傾傾, 呢度嘅義工同性治療師等等會好樂意聽你傾訴。
2個讚
我好明白你既心情，因為我都有同樣既擔心，就算有月經，就算驗孕棒結果無都仲好擔心：）
記得要放鬆自己，我之前遲左，驗過無，上黎問過意見，隔左幾日就黎左！
放鬆好重要！雖然我係容易驚青既類型！
1個讚