咁樣算唔算縱慾過度

屋企一冇人就想自慰
除咗勃起冇咁硬
身體都冇話有咩唔舒服
應唔應該降低自慰頻率?

Hello
你喺呢個post都有表達過對於自慰、性慾同埋勃起狀態嘅疑慮,我哋有解答過,你可以參考返部份資訊:其實點樣先算壓抑性慾(個標題好似唔係幾啱)

關於自慰頻率嘅問題,其實你可以自己衡量自己嘅身體、心理狀態而去決定。自慰嘅頻率並冇一個特定嘅標準,亦冇話「成日想自慰」就係有問題。

而關於「屋企一冇人就想自慰」,其實你不妨都思考下自己想自慰嘅原因係咩。係因為鍾意自慰帶嚟嘅刺激同快感?想通過自慰放鬆下?屋企冇人嘅環境令你好放鬆所以你想探索自己嘅身體?自慰成為咗你嘅習慣? :face_with_monocle:

對於某啲人嚟講,自慰未必係同性慾相關,而係成為咗佢哋用嚟舒緩壓力或者幫助入眠嘅方法。甚至有啲人喺疫情下,因為多咗時間喺屋企,增加咗自慰嘅頻率。釐清咗你點樣睇你同自慰嘅關係之後,可能都可以解決你嘅疑慮。 :blush: