Period完左兩日，愛愛既時候有帶安全套，但係拎反出嚟既時候安全套甩左出黎，痴住左jj頭🥲啲精液係晒陰道外面，之後陰道內面都有流左少少出黎。會唔會出事架
Hello。其實只要安全套套口嘅精液冇觸碰到陰道嘅周圍，而你又有check過安全套冇任何穿窿嘅情況，咁其實你嘅懷孕嘅機會好低。所以想問吓其實除出嚟嘅時候精液有冇接觸到陰道？如果你唔係好記得嘅話建議你可以做一次緊急避孕，最遲可以係性行為後五日之內，去見醫生，向醫生攞處方嘅事後丸，你可以去家計會或者一般私家診所。
如果真係擔心有冇懷孕，你可以考慮進行驗孕。你可以去買一至兩條驗孕棒，依照驗孕棒包裝說明書嘅指示驗孕，喺時限內觀察結果。喺性行為7日後驗就會有初步結果，11日後驗就會有較為準確嘅結果。
提提你，下次性行為後除安全套個時，記得撳住安全套個底部，之後再抽出身體，咁就可以避免安全套脫落或留在體內，加埋喺除嘅時候盡量離開伴侶，就可以避免類似情況發生。
（Intern同學 Coco Lee）