飛機杯一問

我19 之前第一次用個飛機杯打飛機 我有戴套插入去 但係好敏感 兩分鐘左右就射咗 會唔會係早洩
平時用手就會耐啲

Hello。

其實我哋唔可以單憑一次嘅性經驗去判斷係咪早洩,早洩通常需要結合大約半年左右嘅規律性生活去判斷,如果以科學嘅角度嚟睇,一般情況,早洩嘅病徵包括不能延遲射精,射精令你有負面感覺,在3分鐘內射精,未達到高潮就射精等。如果呢情況發生一兩次並唔代表有大問題;但如果情況出現多次,就可能有勃起功能障礙。而且,上述早洩嘅病徵都係以陰莖插入陰道為標準,所以透過飛機杯自慰而得出嘅射精時間並唔可以作為早洩嘅標準。

另外,飛機杯類工具嘅作用係幫用家提供快感,而市場上普遍嘅類型更有唔同具有特殊功能嘅產品。呢D產品內部往往都會製作得較窄,令包裹感、摩擦力大幅強,從而提升對陰莖嘅刺激。相比起性行為或者用手嘅時候,使用飛機杯嘅感覺會更加誇張,導致更容易射精。另一方面,你都有提到係戴左套先插入飛機杯。通常唔同嘅產品都有唔同嘅使用方法,有D會建議戴套使用,亦有D唔建議;而因為每個人體質都唔同,因此戴左套有機會會影響刺激感,都提議你可以睇返相關説明再斟酌使用。

(intern 同學 Alan)