我最後一次性行為係3月11，之後因為好擔心所以係4月25去咗再思做快速測試check HIV,梅毒同乙型肝炎。個結果全部都negative，但我去check之前因為有尿道炎同陰道炎所以食緊兩隻抗生素，會唔會影響個結果？我應唔應該遲啲再做多次？
Hello
首先，性病主要係透過高風險體液，例如精液、尿道球腺液、陰道分泌物、腸液同血液，直接接觸到性器官、比較脆弱嘅黏膜組織（例如口腔、肛門、陰道、尿道口），特別係當上面有開放性傷口（正在流血）先會有比較大機會可以造成傳播，而且亦必須要其中一方係感染者先有機會造成傳播。
所以都想問多你少少，性行為過程有冇使用安全套？因為安全套可以有效預防到性病以及其他疾病嘅傳染。另外你話你檢查之前有尿道炎同埋陰道炎，請問呢個情況同埋你有服食抗生素呢件事有冇同醫生講？因為照道理，醫生會根據返你嘅情況去判斷你適唔適合做性病檢測，一般情況來嚟講，食抗生素對性病檢測冇明顯嘅影響，除非有長期服藥嘅習慣。
如果你仍然擔心，可以考慮喺3個月後（HIV病毒嘅測試空窗期，亦係常見性病之中最長嘅空窗期）進行全面性病測試。你亦都可以考慮去衛生署嘅社會衛生科進行免費測試，或者去私家診所／化驗所進行測試。而且私家診所亦會有提供空窗期較短嘅測試方案，可以更早知道自己有冇受感染，但價錢就會比較貴，可以視乎自己嘅需要選擇。
我3月11時嘅性行為都有用套，但同對方口交時就無……我上去再思前有問過食緊抗生素會唔會影響結果佢話唔會。同我當時淨係需要食七日抗生素
請問有冇人可以解答我呀🥲
都想知道你口交嘅當時，口腔有無開放性傷口，姐係流緊血咁？如果無嘅話，其實都唔大風險嘅，而且你做完曬啲test之後都係陰性。如果真係好擔心嘅話，
「可以考慮喺3個月後（HIV病毒嘅測試空窗期，亦係常見性病之中最長嘅空窗期）進行全面性病測試。你亦都可以考慮去衛生署嘅社會衛生科進行免費測試，或者去私家診所／化驗所進行測試。而且私家診所亦會有提供空窗期較短嘅測試方案，可以更早知道自己有冇受感染，但價錢就會比較貴，可以視乎自己嘅需要選擇。」
至於抗生素嘅問題，因為每個機構使用嘅檢測工具都唔一樣。如果當時職員解答過你抗生素唔會影響檢測結果，咁都唔需要擔心。另一方面，現時你應該已經完成晒所有抗生素嘅療程？如果喺冇抗生素影響下再做一次測試會令你安心啲的話，你隨時都可以再去有提供測試嘅地方進行檢查。
多謝你嘅答覆
我一向都好少生飛滋/爛口同記憶中個口係無任何傷口
我去做快測之前有問過抗生素有無影響佢話無，同我係食抗生素最後一日去做快測的。
如果口腔冇開放性嘅傷口，咁感染性病嘅風險都比較低。而且關於抗生素嘅問題，醫生都有講係冇影響嘅話，咁都唔需要太擔心啦