家計會事前藥一問

想問吓去家計會買事前避孕藥有冇啲咩要準備
同埋係咪要嚟月經嘅頭五日內book?:bowing_woman:t2:

Hello
家計會會需要登記你嘅身份証,所以記得要帶證件呀!而通常佢哋係需要收現金嘅,所以記得帶夠現金。價錢方面可以參考佢哋嘅網站,或者預約嘅時候,職員都會提你要帶大概幾多錢。而醫護人員都會詢問你過往有冇咩值得注意嘅醫療紀錄,例如有冇長期病患,有冇需要服用嘅藥物或者藥物敏感。
青少年保健中心收費:青少年保健 - 香港家庭計劃指導會
婦女健康服務收費:婦女健康服務 - 香港家庭計劃指導會

而預約方面,家計會嘅醫護人員通常會建議月經第五日開始服用第一粒避孕藥,所以建議經期頭五日內預約。如果你已經過咗經期頭五日,你要同醫護人員講。 :man_health_worker:t2: :woman_health_worker:t2:
你可以致電去預約,亦可以考慮填咗網上預約表先,然後等家計會職員電話確認你嘅預約,可能會更加方便。
青少年保健服務預約(由於網上預約暫時未恢復,需要致電預約): 青少年保健 - 香港家庭計劃指導會
婦女健康服務網上預約: 服務要求 - 香港家庭計劃指導會