驗孕棒唔準

唔該 我想問係咩情況下驗孕棒係唔準㗎 同埋有冇人係因為天生hcg比較低 所以驗唔到㗎

Hello
現時市面上嘅驗孕棒都有好高嘅靈敏度(sensitivity)同特異性(specificity),所以驗孕結果都有好高嘅準確度。只要有正確使用驗孕棒,而且距離對上一次性行為過咗11日,咁都會得到準確可靠嘅驗孕結果。 :blush:

咁所以,當距離性行為唔夠11日嘅話,結果就有機會唔準。或者當冇正確使用驗孕棒嘅話,例如尿液量唔夠/未到或者過咗時限先睇驗孕棒結果。
另外,驗孕棒顯示結果線嘅地方你會見到「C」同「T」字,有紅線喺「C」字位置出現先代表驗孕棒有效,如果冇嘅、或者只有「T」字位置有線而「C」字位置冇嘅話,可能係驗孕棒喺生產/儲存/使用過程中出現咗問題,驗孕結果係無效嘅,需要重新買過驗孕棒進行驗孕。 :confounded:

而並冇話有人「因為天生hcg比較低 所以驗唔到」,因為隨著受精卵著床,形成懷孕,hCG水平會喺懷孕初期急升(每2-3日倍增一次)。 :relaxed: