懷孕同谷m嘅分別

唔該 我想問谷m同懷孕嘅分別係邊度 我係性行為後嘅17日內都有keep住驗孕 都係得一條線 但係上網check 同你懷孕嘅症狀好似 我係月頭嚟m 依家好驚

我哋喺呢個post( 好擔心自己懷孕 - #2 Ching_StickyRiceLove )已經解釋過:

如果你真係要問「谷m同懷孕嘅分別係邊度」,咁「谷m」係冇卵子冇受精、冇懷孕,即係用驗孕棒檢驗唔到有陽性結果(兩條線),即係只有一條線(陰性結果);而懷孕即係卵子已經受精、而且受精卵成功著床,身體因為發生咗著床所以產生hCG,所以驗孕棒檢驗結果係陽性。 :blush:

而關於驗孕時機呢樣嘢:

如果你性行為之後11日進行咗驗孕,喺正確使用驗孕棒嘅情況下係會有準確結果嘅。唔會話性行為之後20日之後個結果就會唔同咗,只要你對上一次性行為係冇造成懷孕,無論你隔幾多日、驗幾多次,都改變唔到冇懷孕呢個事實,亦都唔會改變個結果。 :relaxed:

至於月經呢個問題,我哋亦都講過:

你可以嘗試放鬆下心情,做下其他嘢分散下注意力,如果情緒好緊張嘅話,其實都會影響到月經㗎。 :confounded:

如果你真係好擔心,你睇完呢啲資訊都係會好緊張,其實你可以就住月經問題去睇醫生。例如去家計會診所/母嬰健康院/部分私家診所。仲可以喺診所進行埋驗孕。如果你覺得有醫護人員幫你進行驗孕,會令你安心啲嘅,其實你不妨去預約睇醫生。 :man_health_worker:t2: :woman_health_worker:t2: