好擔心🥲🥲🥲

琴日係受孕期/排卵期,懷孕機率應該係高
但係琴日同男朋友發生性行為,全程有戴安全套,冇射出,最後有用水測試安全套,係冇穿。
請問這樣會有懷孕機會嗎?🥲好擔心🥲

你哋整個性行為嘅過程都有正確咁使用安全套,過程中安全套冇穿冇漏,咁風險都係好低嘅。

排卵期要等月經出現之後先可以推算返幾時排左卵。除非喺醫生嘅指導之下每日用排卵試紙測試著,否則我哋好難準確咁知道自己究竟幾時會排卵。一啲app推算並唔準確,因為app通常係以你過往嘅月經週期去估計和預算你幾時會排卵,但係排卵受好多唔同身體因素影響嘅,例如荷爾蒙水平、飲食、作息、壓力、生病、藥物等等,但係app並唔會知道週期和你將來嘅身體狀況,例如你有冇休息得唔好,或者有冇病過食過藥和壓力等等,但係呢啲因素都會對排卵造成影響。所以單靠自己推算係好難準確咁知道究竟邊日排卵嘅,因此通過避開排卵期都唔係可靠嘅安全。

如果你真係好擔心,你可以自行驗孕,因為驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺性行為7日後驗孕會得到初步結果,而11日之後就會得到相對比較準確嘅結果。如果驗孕棒顯示出嚟嘅結果係陰性嘅話,基本上已經可以表示冇懷孕,因為驗孕棒嘅準確性非常高,加上你親眼見到驗孕結果,會安心啲。

(Intern同學 Coco Law)