什麼時候驗

hello最後一次性行為係4月15號 呢半月一直都係用萬寧嘅驗孕棒驗 然後今日上網睇話有機會唔準 之後就啦啦聲落街買支clearblue驗 都係呈陰性 我係6號嚟M 但係我上網又睇到話冇嚟M個個禮拜先驗 然後又見到話性行為後11日驗都準 咁所以其實邊個先係準呢 同埋想問經期唔穩定係咪冇咁容易懷孕 同埋經期唔穩定 點樣可以計到安全期 唔該你

我哋喺回應呢個post 好擔心自己懷孕 嘅時候有解釋過驗孕嘅原理:

所以,如果「冇嚟M個個禮拜」距離性行為唔夠7日嘅話,卵子未完成受精著床嘅過程,身體未分泌hCG,個結果就會唔準確。

而喺回應驗孕棒唔準呢個問題嘅時候同你講咗:

所以,冇話邊個牌子好或者唔好。如果你真係好擔心嘅話你都可以考慮使用電子驗孕棒,會更加容易使用。甚至如果你都係唔相信自己驗孕嘅結果,你可以去診所進行驗孕,有醫護人員幫你確認驗孕結果。 :woman_health_worker:t2: :man_health_worker:t2:

至於經期準唔準同容唔容易懷孕其實關係並唔係咁大。

而「安全期」呢樣嘢其實並唔存在,因為無論喺月經週期嘅邊一日,只要喺冇使用任何安全措施嘅情況下,陰莖/陰莖分泌物(精液/尿道球腺液)同陰道/陰道口有接觸,就會有一定嘅懷孕風險。
「安全期」係通過避開「排卵期」去減少懷孕機會,但係其實「排卵期」係要等月經出現咗之後,先可以計算返之前係邊日排咗卵。而且我哋之前都解釋過,排卵同月經好容易受到其他因素影響。除非每日喺醫護人員嘅指導下用排卵試紙測試著,否則我哋好難準確咁知道究竟邊日排卵。