下腹感到不適

你好, 本人於4月21號打第一針避孕針(在月經來第四日)。其後在26、28、29發生無套性行為,但近日下腹感到不適、沒有痛(已有兩日),但總是感到怪怪的(感覺就像在月經期間的感覺但不痛的),所以想請問下是因為賀爾蒙的關係嗎?還是性愛的時候用力過度?但現在也驗不了孕。

你好呀 @Pooooo :wave: :wave: :wave:

原則上係月經頭五日內注射避孕針之後就立刻有避孕功效架啦,雖然一般都會建議頭七日如果要發生性行為就要額外使用安全套,但如果你冇出現一啲嚴重副作用,基本上你26、28、29號發生嘅性行爲都係無懷孕嘅風險嘅。

注射咗避孕針之後,人造荷爾蒙會令子宮內膜產生變化,同時亦會增加子宮頸分泌物嘅黏稠度,所以都有機會引起唔同程度嘅副作用,作嘔、頭暈、下腹痛等等亦係常見嘅情況,你感覺到嘅下腹唔舒服都有機會係其中之一。呢啲副作用一般會喺適應期(大概三至六個月)之內消失,但如果情況越嚟越嚴重,就要盡快去返打針嘅醫生度做檢查。

另一方面,好似你咁講,其實性愛嘅時候用力過度都係其中一個可能性令下腹感到不適嘅原因。而且我見你地性行爲嘅日子相隔比較近,如果每次性行爲都係比較高強度,都真係會令下腹有不適嘅感覺架。可以嘗試同伴侶溝通下需唔需要調整下力度,或者轉換姿勢會唔會都係其中一個選項。

就算打咗避孕針,其實都可以驗孕嘅。喺性行爲7日後會有初步結果,11日後驗就會得到比較準確嘅結果。換言之,26號果次嘅性行爲宜家驗嘅話已經可以得到初步結果架啦。不過你打咗避孕針,其實基本上係無懷孕嘅風險嘅。 :smiling_face_with_three_hearts:

1個讚