按摩毛巾會傳染性病嗎

早幾日去左按摩,期間按摩師係隔住毛巾同我按手,腳同身體。按摩時完全沒有接觸到下體,而我亦都係全程著住佢地提供既紙底褲,亦都冇進行任何性行為(包括冇打飛機)。

事後先知果間按摩店有向其他客人提供性服務,請問我有機會因接觸到受污染既毛巾惹到性病嗎?定係過份擔心? thanks

hello,首先回應翻你嘅擔憂,污染嘅毛巾只係掂到你手腳一般係唔會令你感染到性病嘅:blush:。因為性病主要嘅傳播途徑透過體液(例如精液,陰道分泌嘅液體同埋腸道分泌液等等),性器官或者血液(例如傷口)去傳播病毒。

如果受污染嘅毛巾無接觸到你皮膚上嘅傷口或者你嘅皮膚上無任何傷口,性病病毒唔會穿透你嘅皮膚去感染你嘅。一般情況來講,如果冇發生性行為,被對方傳染性病嘅機會都好低,假如有進行性行為,使用安全套可以有效防止性病感染。

(intern同學 Marco)