避孕藥的喝酒問題

呢幾日開始食事前避孕藥
想問吓飲酒嘅話會唔會影響藥效導致意外懷孕?
因為我係去家計會嗰度開藥
個藥袋上面都寫住忌飲酒:pleading_face::pray:t2:
會唔會係因為怕嘔返粒藥出嚟?

同埋想問吓
我係食廿一粒嘅避孕藥
姑娘話頭七日都要做返安全措施
係每個月都要定係淨係一開始先要?:pray:t2:

同埋停七日嘅時候性行為安唔安全:persevere::pray:t2:

Hello。

根據目前嘅研究,酒精並唔會直接影響避孕藥嘅藥效。不過,好多時候都會因為過度飲酒而導致嘔吐,而假如嘔吐同服用避孕藥之間相隔時間太短,有機會會導致避孕藥未能比身體完全吸收,令避孕藥嘅藥效減低。呢個情況下就可能需要即使服用多一粒避孕藥,並儘快求醫詢問建議喇。

而關於事前避孕藥,一般嚟講,避孕藥需要長期穩定服用,先可以令藥物裏面嘅雌激素同黃體素發揮功效, 造成避孕嘅效果。至於頭七日嘅避孕效果,因爲每個人對藥物嘅反應都唔同,有D人可能需要稍為長少少嘅時間去適應,所以都會建議頭七日要做好安全措施;而如果你已經完成左第一包藥,而中間無試過漏食或服用後嘔吐嘅話,第二包第一粒就已經起到避孕作用架喇,所以第一包同第二包之間個七日發生性行為係冇問題嘅。

(intern 同學 Alan)