避孕藥首週需要避孕措施嗎?

初次服用避孕丸的婦女,須在月經來潮的首五天內開始服食,每日一粒。如在月經來潮的第六天或以後才開始服用避孕丸,須在首週內加用外用避孕方法,如避孕套

呢一句我係喺家計會網站嗰度copy落嚟的:pray:t2:
我係食廿一粒裝嘅
我第五日開始食嘅話 首週都係需要用避孕套嗎?:pray:t2:

同埋想問吓食咗避孕藥之後 中出同外射有分別嗎?:bowing_woman:t2:

Hello。

你揾到嘅資訊係冇錯嘅。假如你係第一次使用事前避孕藥,最理想係按照上述嘅指引,係月經頭五日開始服用嘅,體內就會開始建立避孕功效。但因爲每個人對藥物嘅反應或適應力都唔同,例如有啲人食咗一日藥之後出現嚴重副作用,第二日已經無辦法繼續食藥,咁樣嘅情況就會影響藥物嘅效力。所以即使月經頭五日內開始食藥,我哋都會建議頭7日如果要發生性行為,都需要使用安全套。如果係月經第六日或打後先開始食藥,就會建議至少頭七至十四日都要額外使用安全套。

另外,係冇任何避孕措施下,無論中出定外射,陰莖係性興奮時會有透明嘅尿道球腺液或者射精時流出精液,呢兩種分泌物都係含有精子如果直接接觸到陰道都係有機會造成懷孕。但如果你有服用避孕藥,兼且已經生效,咁就唔使擔心懷孕風險喇。

(Intern 同學 Alan)