我上一次經期係12/3，之前既週期大概都係35日，但唔係成日都準
8/4同男朋友進行安全性行為
4月中仲未黎到經期，所以一直keep住驗孕
經期遲左一星期，兩星期既時候都有驗，係陰性
所以食左十日既通經丸，今日(9/5)係停左食通經丸既第四日，其實食完通經丸大概幾多日左右會有月經？謝謝
Hello～多謝你嘅提問。好欣賞你係同男朋友做愛嘅時候都有做足安全措施，並且過咗兩個禮拜後進行驗孕，暫時嚟睇係冇懷孕風險嘅。
另外都想問返你嘅通經丸係喺邊度購買嘅，因為所謂嘅通經丸好多時都係含有荷爾蒙嘅藥物，透過改變體內嘅荷爾蒙水平令月經快啲出現。同一時間，市面亦有一啲不含荷爾蒙嘅藥物，聲稱透過其他方式去改變身體狀況，達致通經。呢啲藥物就唔係每個人嘅身上都適合服用，對身體嘅影響亦係較難預計嘅。
唔同配方嘅藥物成份都會唔同，而如果喺冇信譽保證嘅藥房購買就更加唔知真偽，有機會達唔到通經嘅效果。如果係醫生處方嘅話，都可以問返醫生大約幾多日之後會嚟月經，只要冇唔記得服藥，咁係大多數情況底下都係準確嘅。同埋都想問番醫生有冇講話食咗幾多日冇效要返去覆診，因為始終唔清楚你呢隻藥有咩成份，同埋你嘅身體狀況如何，暫時好難落到一個準確嘅判斷。
而如果你嘅藥係喺其他地方自行購買嘅，就建議你搵返醫生做詳細檢查同處方啦！
希望以上嘅資訊幫到你！
通經丸係之前係醫院覆診，醫院處方既
因為我係醫院一年覆一次診，所以佢都冇提過如果食完之後幾耐冇黎就要揾返醫生
如果咁嘅話直接問返醫生會好啲，可以預約早啲覆診，或者拎埋你而家食緊嘅藥去見私家醫生。等醫生評估你而家嘅身體狀況先，再決定係唔係繼續食，或者使唔使轉用第二種藥。
好的，如果過幾日仲未黎，再驗多次都係陰性，就會先睇家庭醫生。謝謝
因為佢比既通經丸，一個療程係食十日，每次食兩粒。我有一兩日冇準時食到(本身係朝早食，但唔記得咗，夜晚返屋企再食返)，唔知會唔會咁而有影響
西醫嘅通經藥物通常係含有人造荷爾蒙成份，所以建議要準時服用，通經／調經效果先會比較穩定。如果中間有漏食／服藥時間唔穩定，咁可能經期都會受到影響。 
建議你可以預約睇返醫生，諮詢返醫生建議。 
1個讚
準時是每日同一個時間食嗎？例如早上10:30就10:30食？
準時係要盡量每日同一個時間食藥，當然如果服藥時間前後有啲差距（例如30分鐘）都係影響唔大嘅。
不過你自己有講：
如果你本身朝早食，然後唔記得咗，去到夜晚先再食返，咁個相隔嘅時間相對比較長，可能會有影響。
1個讚
Oh…明白曬