椰菜花..

唔該我想問下 性病椰菜花有咩症狀㗎?最近唔知點解個陰部有啲癢 然後今朝發現周圍皮膚有啲三粒嘢突起咗 好似酒米咁

補充返 次次做都有戴套 但係唔知點解有三粒嘢係周圍 摸落去唔同 但係扣佢就痛 呢三粒嘢唔知係咪因為嚟m 然後m巾同皮膚嘅摩擦

唔使擔心,照你所講嘅症狀,應該唔係性病感染嚟嘅。

「性病椰菜花」係長得像菜花的「性病疣經由人類乳突病毒(HPV)感染,係粒狀外觀,但會生得比較不規則,突起嘅大小唔一樣,更加可能會越長越大,而且小肉粒會逐漸增加成簇,一圈一圈好似椰菜花,所以先會有「椰菜花」呢個名稱;另外,性病疣嘅顏色會比原本嘅膚色白啲,而通常啲肉粒會比較容易破損,導致流血甚至發炎,有時會痕癢。

安全套可以係一定程度上隔離男女性生殖器官,避免絕大部分性病嘅傳播,如果正确使用避孕套,可以有效隔離性传播疾病嘅某啲病原體,但係避孕套嘅作用唔係100%有效,因為有啲性傳染病(好似人乳頭瘤病毒HPV)可以通過皮肤接觸傳播,所以建議要留意自己嘅身體狀況,恆常檢測,咁就可以更加安心。如果想預防HPV感染,可以考慮打疫苗;加上要每年(或者根據醫生嘅建議頻率)進行抹片檢查,了解子宮頸情況。

有好多因素可以導致陰部生一粒粒嘅嘢,例如係月經期間冇勤換衛生巾導致感染,分泌物多嘅時候冇清理乾淨,穿過緊嘅褲等等,都有機會導致陰部出現類似痘痘嘅顆粒物(就好似有時戴口罩塊面會比較容易生粒粒咁),可能係遭細菌、黴菌感染或者皮脂腺阻塞。另外,春夏天等潮濕和炎熱嘅季節,汗液分泌得較多,陰部衞生照顧唔當,唔透風,陰濕嘅環境,所以容易生出粒狀物,導致整片皮膚容易痕癢。建議你最近要注意好清潔,每日用清水溫柔溫和咁清潔乾淨陰部,用紙巾抹乾之後先著底褲,盡量著棉質底褲同鬆身嘅下身衣物,如果需要用衛生巾或者護墊記得要勤換。呢幾日留意下呢啲粒粒嘅狀況,如果有嚴重或者增加嘅話,就應盡快求醫,由醫生診斷避免病情惡化。

(Intern同學 Coco Law)

好啊 唔該你

今日性行為之後有出血同痛嘅感覺 屙尿都會痛 同埋有時候唔知係咪因為心理問題覺得佢好痕

都想知道你今日話有痛、痕同出血嘅位置喺係有粒粒嘅位置定係陰道?

一般嚟講,如果係性行爲之後出現痛同出血嘅情況,好有可能係因爲性行爲嘅過程比較激烈同埋潤滑度唔夠,引起撕裂嘅情況,亦都有可能令啲粒粒破損引致流血嘅情況啦。而屙尿嘅時候亦都會有可能係因爲尿液接觸到傷口而導致疼痛。不過如果刺痛或者出血係陰道裏面嘅話,其實都有機會係發炎嘅狀況,都真係建議搵醫生檢查嘅。

就好似 Coco咁講,「春夏天等潮濕和炎熱嘅季節,汗液分泌得較多,陰部衞生照顧唔當,唔透風,陰濕嘅環境,所以容易生出粒狀物,導致整片皮膚容易痕癢。」特別呢幾日咁潮濕,呢個情況可能都會比較多出現,就真係要好好注意清潔啦。

另外你都可以留意下最近嘅分泌物顏色同狀態正常嘅分泌物應該係好似蛋清咁、透明或者半透明、無臭味,正常狀況下量都唔會特別多嘅。如果發現分泌物顏色或者氣味有改變,例如黃綠色或者變成好似乳酪咁,就要去社會衛生科做檢查啦。

同埋椰菜花嘅粒粒係好容易發炎、破損同流血嘅,唔會話你摳佢都無事嘅,如果真係好擔心嘅話,建議儘快去社會衛生科檢查下,費用全免,資料亦都會保密架。