事前藥品牌問題

我去家計會配藥嘅時候
姑娘配左gveza比我
個盒寫住個中文名叫欣嘗
但係我上網搵見到同樣係gveza
有啲人個盒寫住嘅中文名叫愛已
想問吓會唔會係因為地區問題令到譯名唔同?
因為我見佢哋嘅劑量都係一樣:bowing_woman:t2:

同埋暫時食咗六日
個胸撳一撳都會痛:sob:
同埋我間唔中好反胃 尤其係夜晚食完藥
會唔會係有懷孕風險:sob:
因為我上網睇其他人嘅副作用都冇胸痛嘅問題

hello 你好啊 :relaxed:,先回應你嘅第一個問題先:gveza嘅官方譯名應該喺「欣嘗」(相關參考資料:https://www.citracium.com/latest-news/全球藥業產品-gveza-欣嘗/) 而你提到嘅 「愛己」,相信台灣網站至會出現。(相關參考資料:網站訊息 效用嘅問題? 如果你嘅家計會配藥,相信藥物都喺可靠同安全嘅。 :laughing:

第二個問題關於避孕藥嘅副作用。女性喺服用避孕藥嘅初期感受出現乳房/ 胸口漲痛嘅情況,係常見嘅副作用之一。其他常見副作用就包括噁心、體重增加、頭暈、水腫同 情緒轉變等等。所以好大機會你經歷緊「反胃」嘅問題,都喺服藥初期,身體仲而需要時間適應避孕藥。但服用一段時間後(1-3月後),副作用會慢慢消失。相信家計會喺第一次配藥,姑娘都會俾2包藥嘗試。如果你服用初期都仲喺感受到副作用,可以等一次覆診嘅時候同姑娘討論一下有冇轉藥嘅需要、定喺再俾時間身體適應。 :crazy_face:

另外,擔心懷孕嘅問題:都可以解釋少少避孕藥嘅原理,口服避孕藥都喺透過人造荷爾蒙嚟抑制卵巢排卵,令子宮內膜產生變化,同埋令到受精卵無法著床。人造荷爾蒙更會增加子宮頸分泌物嘅黏稠度,使精子難於穿過黏液,進入子宮腔入面。如果正確地使用避孕藥,避孕藥嘅成效喺高嘅。最後都想提一提你,服用避孕藥嘅初期,頭7日服藥嘅時候,發生性行為都建議使用安全套。因為身體可以適應藥效,有機會出現嚴重嘅副作用,例如肚屙/嘔,令身體未吸收藥效就排出體外。保險少少,都建議你可以服用避孕藥嘅7日,進行性行為配搭使用安全套。希望以上內容可以幫到你。 :relaxed:

師姐我最近去家計會姑娘都係開喱隻比我。想問吓 你有冇咩唔舒。我都好勁胸痛 :face_with_head_bandage:

唔舒服*