一日食左兩粒避孕藥

我本身食開21日嘅避孕藥 係最近一次週期裏面有一日唔小心食左兩粒 其他都係照番包裝日子食 最後一日先發現之前有一日食多左 而最後就比起平時早左一日黎m 呢個週期變左27日
想問下咁樣嘅情況下 下一個週期我應該比起之前早一日開新一包藥定係照番以前嘅時間開藥至啱?
例如我之前係星期六開藥 星期二黎 而今次變左星期一黎 咁我今次下個週期應該星期五開定星期六開至啱?

你好 @Yuu721 :wave: :wave: :wave:

唔洗擔心,你可以食完一盒藥之後就緊接食第二盒藥就可以啦。食多一粒藥只係會令藥物既劑量加大,有可能會出現少許副作用,都唔會太影響避孕嘅功效嘅,只係會好似你宜家嘅情況咁,月經提早一日。

你應該要係食完最後一粒藥之後7日就開新藥,無論月經幾時嚟同埋上一包藥幾時開始食都唔會影響,最緊要係食完最後一粒隔7日就開新藥。

例如你食完最後一粒藥嘅時間係星期五,咁你就下星期六開新藥,星期六就下星期日開藥,唔需要理幾時嚟月經同上一包藥幾時食。