hi我18歲處直男
之前買咗前列腺按摩器玩但係震咗成個鐘都冇乜感覺 最後唯有用手打出嚟 有啲掃興
宜家打算禁慾一個月再玩 唔知效果會唔會好啲
另外我唔肯定自己算唔算包皮過長 無論扯咗未扯我都可以輕易用手完全拉落嚟 不過扯咗嗰陣包皮只可以自動褪到露到馬眼 早排試過扯咗嗰陣拉低包皮戴套 點知笠咗落去唔夠10秒已經喺冇任何刺激下無手射咗(純粹笠咗套之後放手 期間冇任何嘢掂過條J) 我覺得可能係因為龜頭太敏感 宜家諗住買瞓覺用嗰啲包皮矯正環 希望情況有改善
Hello
關於「前列腺按摩器玩但係震咗成個鐘都冇乜感覺」呢樣嘢，可能係對於你嚟講，刺激前列腺唔係俾到你好多歡愉感覺嘅方法；亦有可能係嗰款前列腺按摩器唔係最滿足到你嘅需求。 
其實每個人嘅敏感地方同性喜好都會唔同，甚至同一個人喺唔同情況下嘅喜好同對刺激嘅反應都會唔同。正如有啲人鍾意刺激龜頭，而有啲人嘅敏感部位係陰莖底部。同埋唔似直接刺激陰莖，刺激前列腺唔一定會帶嚟勃起／射精。 
而且每人用性玩具帶嚟嘅感覺都可能唔同，例如同一個飛機杯，可能有啲人覺得好舒服，但有啲人就會覺得冇乜特別。所以唔係話用咗前列腺按摩器就一定會有好強烈嘅刺激感覺。又或者如果你冇真係刺激到前列腺，個按摩棒只係停留咗係肛門／直腸呢啲部位，自然個刺激感都會唔同咗。甚至如果潤滑不足／肛門被插入呢啲不適嘅感覺，都會影響咗你嘅自慰體驗。 
禁慾一段時間，可能會對刺激敏感咗，所以反應會唔同咗，不過唔係話「禁慾一個月再玩」就代表你一定會覺得好舒服。你都可以釐清下自己對於呢樣嘢嘅認知同期望。點解刺激完前列腺你冇乜感覺你會覺得「掃興」？係你覺得自慰一定要射精先為之完成？定係你覺得按摩前列腺一定會有好刺激嘅感覺？ 
自慰可以係一個好好探索同了解自己、身體同埋喜好嘅機會。通過嘗試唔同刺激嘅方法、力度、速度、頻率，你可能會更加清楚邊啲模式會令你覺得舒服同歡愉。而隨著時間／環境／個人狀態等因素嘅改變，可能你嘅喜好又會有變化。所以呢個都可能係個不斷探索嘅過程。 
關於包皮嘅問題，無論有冇勃起嘅情況下，包皮都應該可以輕鬆咁上下移動，露出成個龜頭，移動包皮嘅過程唔會有「箍住」／痛／或者唔舒服嘅感覺。如果唔係嘅話，就應該搵醫生檢查下，睇下有冇包皮過長／過緊嘅問題 
。每日都應該要反包皮進行清潔，防止包皮垢積聚導致龜頭發炎／感染。如果有包皮過長／過緊嘅問題，都可能會影響日常清潔，影響陰莖健康。
而至於龜頭敏感，其實本身龜頭有好多神經末梢，所以對於刺激會比較敏感／反應比較大。尤其如果你唔習慣勃起之後接觸龜頭嘅話，會好容易因為刺激而射精。你當時有用安全套，如果安全套尺寸唔啱比較緊，或者陰莖唔適應有安全套包住嘅感覺嘅話，都會好敏感，比較快射精。你可以循序漸進，每日返包皮清潔，等龜頭慢慢適應。如果你之前都冇返包皮清潔嘅習慣，一開始可能會有不適嘅感覺，慢慢適應咗就會無事。
「包皮矯正環」呢樣嘢未必每人嘅身體情況都適合，而且使用不當嘅情況下，有機會有風險。建議你可以搵醫生檢查咗先。 
多謝解答
我唔肯定按摩器有冇對準個位
不過我原本expect應該可以做到前列腺高潮 所以有啲失望
可能我遲啲再試下 希望搵啱位
至於包皮嗰度 無論有冇扯 完全反落嚟都唔會有任何不適/箍住嘅感覺 每日亦都有反落嚟清潔