我14歲
發現自己無論系學校定系街上面都好容易第一下就注目系女仔個胸部度
特別系學校一啲依然發緊育甚至發育豐滿既女仔
有時有生理反應甚至想立即打飛機
正常定唔正常 同埋需要注意然後改善？
今時今日有自慰既習慣
通常一日一次 甚至一日兩次
90%通常都系晚上
其實會唔會太頻密？
如果我覺得太頻密應該點樣減少個次數？同幾多日先一次？
性慾好容易就產生
hello
多謝你咁信任我哋同我哋分享。 
對於14歲嘅你嚟講，步入咗青春期身體同心理上可能出現咗好多變化，可能有啲會令你困擾。其實青春期對「性」呢樣嘢好奇、有性慾、追求性歡愉係好正常嘅事。通過自慰去探索同埋了解自己嘅身體亦係正常嘅事。 
荷爾蒙水平嘅變化可能都會令你好容易有性衝動／有性慾嘅感覺。自慰頻率並冇一個標準，冇話一日／一個星期自慰幾多次就係正常或者唔正常。只要唔會影響到你嘅日常生活同埋冇影響到身邊嘅人，例如你唔會話趕住返學就嚟遲到都要自慰，或者唔會喺街突然想自慰要即刻去做，咁其實都唔需要太過擔心嘅。只要喺一個安全私密嘅環境，唔會令其他人唔舒服就OK。 
而且你都可以去慢慢梳理下點解你會自慰？ 
其實每個人嘅原因都可能唔同，甚至喺唔同情況下都會唔同。有啲人係為咗解決性需要，就好似肚餓要食飯咁，有性需求就以自慰去解決。有啲人係鍾意性帶嚟嘅歡愉同放鬆嘅感覺。有啲人係通過自慰去舒緩壓力。有啲人係用嚟打發時間。
所以你都可以思考下，自己係因為咩。如果你而家嘅自慰習慣係令到你好唔舒服，你真係好想改變頻率，你都可以試下做下其他嘢，分散下注意力。 
而關於注視女性胸部呢樣嘢
有時見到靚或者我哋有興趣嘅嘢，我哋可能在所難免地會想望多啲望耐啲。不過想同你講返，「性意味+不同意=性暴力」（可以參考：性暴力101 ）如果你未得同意注視女性嘅胸部而令到對方覺得冒犯嘅，都會構成性騷擾。
唔該曬你既解答