4月30日 最後一次性行為
第2次係射前除套進行左一陣，但沒有內射
我黎m以往好準，隔28-30日就會黎M
(3月 係隔左5日先黎M)
所以 正常我應該係5月18-19日黎M
依家5月20日 仲未黎M，依家好擔心
PS: 5月17(晚), 18(晚), 19 (早), 20 (晚)都有驗孕試紙/棒，都係得一條線
想問下，係咪都有機會懷孕？
PS: 用萬寧同屈臣氏牌子驗，有無需要用其他牌子驗？
Hello~好多謝你嘅提問。驗孕試紙或者驗孕棒喺最後一次性行為之後嘅14日結果最為準確。因為你4月30號係最後一次性行為，所以你5月17-20號嘅檢測結果係準確嘅，唔需要擔心有懷孕。至於月經延遲嘅原因有好多，體重過輕，壓力大，生活唔規律…都會導致月經遲嚟。所以建議你繼續等，觀察下先。除非月經比起平時遲咗三個星期以上都未嚟，先至需要睇醫生，等醫生考慮會唔會處方荷爾蒙藥物畀你去催經。
萬寧，Watsons，驗孕棒驗孕試紙準確嘛？
我見網上都話黎m遲7日先check到
萬寧、屈臣氏買嘅驗孕棒，只要冇過期，並且有按照說明書操作，大多數情況下都係準確嘅。建議驗孕時間係性行為之後嘅14日左右，但如果你唔確定幾時驗孕最好，或者係唔記得最後一次性行為係幾時，咁喺月經延遲七日之後先驗就最為準確，因為如果係上次月經週期已經懷孕，咁通常已經懷孕四週。所以如果你好唔確定，都可以等月經延遲7日之後再驗多一次，不過以而家嘅情況嚟睇，懷孕嘅機率好細，唔需要太擔心。
不過都想提提你，就算冇內射，陰莖喺進行性行為期間都會分泌出尿道球腺分泌，其中含有少量精子，都有機會導致懷孕。所以下次進行性行為，記住全程都要佩戴安全套，或者預先服用避孕藥，咁就可以放心啦！