我想延長自慰嘅時間，令自己冇咁快射
我都揾過唔同方法
平時自慰嗰陣就係當想射嗰陣就停，等感覺消退再繼續，但咁樣
我想延長自慰嘅時間，令自己冇咁快射
我都揾過唔同方法
平時自慰嗰陣就係當想射嗰陣就停，等感覺消退再繼續，但咁樣維持唔到勃起
而如果唔停，繼續stimulate，即使降低咗強度，想射嘅感覺會一直存在
想請問我應該點做
Hello，好多謝你嘅信任而向我哋提岀一啲問題。
都想了解下點解你想延長自慰時間，令自己冇咁快射？係因為想有較長嘅刺激時間，定係純粹想將射精嘅時間拉長？
岀現勃起同射精嘅情況，係因為神經系統同血液循環系統互相配合，當陰莖受到刺激就會會充血變硬勃起，受到一定程度嘅刺激之後會射精，當神經反應消退（無論有冇射精），陰莖就會疲軟。而並冇一個統一嘅標準自慰幾耐射精先為之正常，或者遲射精就等於好。
除咗生理上面會影響射精嘅情況，心理上都會影響到射精嘅情況，例如可能因為自己一個喺房自慰，驚比屋企人見到，而希望可以快啲完之後導致唔夠持久。仲有其他因素都會影響射精嘅情況，例如荷爾蒙、年紀、壓力、身體狀況同環境因素等等。
如果要針對翻延長射精嘅時間，上面講到主要刺激較敏感嘅位置一段時間之後就會出現射精嘅情況，所以可以就增加自慰嘅次數去降低龜頭同陰莖嘅敏感度，令到射精嘅時間延長。如果都係不如理想嘅話，可以試吓加潤滑液增加刺激，依個都係另一個可以令龜頭同陰莖去適應翻個刺激，令射精嘅時間加長嘅方法。又或者你可以調整下自慰嘅時候接觸身體嘅位置、手法、速度、力度等等。呢個都可以係個好好嘅機會去俾你探索自己嘅身體同喜好。有時溫柔的、細力啲、慢啲、或者唔係集中咁淨係刺激龜頭，都會舒服但相對冇咁快射精。
或者你可以試吓用持久環，佢係一個環，套喺陰莖底部，令陰莖嘅血液冇咁快回流到其他地方，咁樣就可以維持到你勃起嘅情況。而且佢都有延遲射精嘅時間嘅作用。不過要留意包裝／說明書嘅指示，唔可以佩戴太耐，以免因為血液循環唔好而對身體造成負擔。
如果你唔想用一啲輔助產品嘅話，你可以試吓骨盆底肌嘅練習，例如凱格爾運動，呢個對於男性而言，可以提升到勃起嘅硬度，改善嗰個射精嘅時間。佢呢個運動喺第一次做嘅時候，你可以喺你想小便嘅時候，忍一忍，感受下有一啲肌肉收縮緊，而收縮緊嘅肌肉就係骨盆底肌，當你知道嗰度嘅肌肉點樣收縮之後，可以無時無刻都可以做到，無論企喺度又好，坐到都好。
依種運動一開始可以企喺到感受下先，每次收縮肌肉維持5秒，之後放鬆5秒，每組做10下，當你覺得容易控制嘅時候，可以慢慢將秒數增加，或者將下數增。
留意翻，練習唔可以一日做太多次，喺一個心情好，舒服，冇壓力嘅地方進行，慢慢咁令射精嘅時間延長。同埋唔需要太心急，練習係個循序漸進嘅過程嚟嘅！
（Intern同學 Dorothy Cheung ）