感染衣原體問題

Hello~ 我之前發生性行為之後,性伴侶通知我話佢啱啱報告出咗話佢中咗衣原體,所以我有以下問題想請教:

  1. 我哋有無套口交同埋戴咗安全套嘅陰道交,想請問感染嘅機會大唔大?
  2. 我都想做測試去確保自己無事,想請問需要等幾耐空窗期先可以check?(25/5發生性行為)
  3. 可以去邊度做測試同如果需要嘅話,接受治療?

thanks!

Hello 多謝你嘅提問

  1. 首先,同你講返傳染性病主要途徑係血液、精液、陰道分泌等體液交換;有損傷的皮膚、眼睛、口腔和鼻腔等黏膜交換。即係包括:

沒有使用安全套的口交

沒有使用安全套的陰道交

沒有使用安全套的肛交

共用針筒

母嬰感染

所以睇返你提及嘅情況,其實感染嘅機會都屬於大:sneezing_face:

另外都補充番少少有關衣原體嘅資料,衣原體係一種細菌型嘅性病,佢嘅病徵包括陰道/陰莖出現異常分泌物、小便時感覺疼痛、肛門疼痛等。但因為大部份感染衣原體嘅人都冇病徵,所以都會建議經常發生性行為嘅人要定時做性病檢測。

2.至於衣原體感染嘅潛伏期約7至21日,如果需要做檢查,就可以喺性行為發生後七日進行性病檢測,即係2/6。。

3.至於喺邊度做性病檢測,你可以選擇喺私家診所,或者一啲提供免費性病檢測嘅機構度做。衛生署核下嘅社會衛生科診所就有提供免費嘅性病檢測,但因為疫情會令到診所嘅營業時間有影響,有關嘅資訊都可以留意返以下網站:衞生署-診所及健康中心一覽表-提供社會衞生科(男性)服務的診所 (男性診所)

衞生署-診所及健康中心一覽表 (女性診所)

都可以補充多少少,如果你確診咗有衣原體感染,醫生多數會向您處方口服嘅抗生素,為咗減少感染同埋繼續傳染嘅風險,醫生都會建議係呢段時間暫停所有嘅性行為。你都可以放心,因為衣原體係一個可以根治到嘅性病,只要跟從醫生嘅指示,就可以痊癒。

(Intern同學Fionn Chow)