子宮頸問題

想問下 經期黎,係咪會令到子宮頸會有小小損?

Hello,多謝你願意喺呢個平台度提問啊:otter:

依度想了解翻,你講嘅子宮頸會有少少損嘅意思係因為經期有血塊驚有傷口? 經期嚟嘅時候,下腹附近位置feel到痛? 定係其他意思?

月經岀現係因為卵巢排卵之後卵子冇受精,女性荷爾蒙水平互相嘅影響下,唔可以維持到子宮內膜嘅厚度。所以,附喺子宮壁嘅子宮內膜岀現脫落。脫落左嘅子宮內膜會由子宮,經過子宮頸同陰道排岀。月經嘅成份有子宮內膜細胞同血,所以月經出現時會有血排岀。

而排岀嘅過程中冇痛楚,情況同平時排岀分泌物一樣,自然排出。不過期間可能會岀現血塊,經過陰道口嗰陣會有少少外物感,但唔會對經過嘅部位有傷害:otter:所以,唔會傷害到子宮頸㗎:heart::otter:

至於經期嗰陣你覺得痛,通常係因為子宮收縮,子宮內膜脫落而導致:otter:
但子宮內膜異位都會導致經期出現痛楚:exclamation:正常情況下,子宮內膜係透過經血順流到陰道排出,但係如果逆流,子宮內膜部份組織停留咗唔屬於佢嘅地方,而子宮冇能力去清除嘅話,咁樣就會喺唔屬於佢嘅位置岀現增生嘅情況,日積月累嘅情況底下就會出現子宮內膜異位。而且可能唔止會岀現喺子宮附近或者表面,甚至會出現喺身體各部份。

另外,下腹痛都可能關子宮頸岀現異常或者病變。例如係子宮頸長時間受刺激或者感染,令到佢子宮頸細胞出現異常增生,又或者可能因為性交嗰陣時感染到人類乳頭狀瘤病毒(HPV)令到佢宮頸上皮細胞出現病變。

:sparkles:額外小知識:sparkles:
經期前同開始經期嗰陣子宮頸位比平時低,宮頸開口亦都會比平時大,方便將體內子宮內膜組織同血排出體外:tipping_hand_woman:t2:

:warning:如果每次經痛係持續嚴重,排便或者小便覺得痛,有異常分泌物(例如非經期出血,有機會係子宮頸病變而導致)等等,最好搵醫生做一個詳細啲嘅檢查:stethoscope:

希望可以解答到你嘅問題啦:otter:

(Intern同學 Dorothy Cheung)

因為早幾日,岩岩黎完m後一日去左檢查,姑娘話子宮頸好似有小小損。我問關唔關黎m事,佢話都有影響的!同埋我子宮抹片每年都做一次,對上一次做係半年前,所以有啲擔心

欣賞你每年都有做抹片檢查去了解自己嘅身體狀況。 :smiling_face_with_three_hearts:
通常建議每年做一次抹片檢查,不過有時醫護人員會根據你嘅檢查結果建議適合你嘅頻率。例如有啲人連續幾年嘅檢查結果都冇異常,可能會建議佢可以考慮3年做一次;又或者有啲人有時因為壓力或者抵抗力下降導致子宮頸受到感染,醫生未必會俾藥物治療,而係會建議每半年進行抹片測試去跟進情況再做進一步決定。你可以下次做抹片檢查領取報告嘅時候問下醫護人員,你需唔需要調整檢查頻率。

我哋單憑你嘅文字,唔能夠好清楚咁知道你嘅子宮頸情況,亦都推斷唔到護士所講嘅「子宮頸好似有小小損」係代表咩,例如係有傷口?定係有腫脹或者其他異常?不妨打返去診所問清楚,佢所講嘅情況究竟係點。不過如果佢冇叫你做跟進檢查或者冇話需要治療,可能都唔係需要好擔憂嘅狀況。 :blush:

不過如果你想安心啲嘅,都可以預約搵醫生做個詳盡嘅檢查呀 :woman_health_worker:t2: :man_health_worker:t2: