你好，我係17/5打左混合荷爾蒙避孕針（1個月個隻）
想請問係打避孕針後有輕微腹痛係咪屬於正常？
另外，如果打左避孕針後同另一半體外磨蹭，但做愛時全程戴套同外射，懷孕機會係咪都屬於高？
明白除左唔做之外冇100%嘅避孕方法，但都想了解下做左事前避孕同戴套可唔可以減少因爲（體外磨蹭）pre cum而懷孕嘅機會。
謝謝 
你好呀～多謝你嘅提問～
了解到你係打咗混合荷爾蒙避孕針後出現輕微腹痛的情況，其實混合荷爾蒙避孕針同避孕藥的原理類似，都係通過人造荷爾蒙去達到避孕的功效。所以初初打針時身體需要去適應人造荷爾蒙，係有機會會導致腹痛嘅情況嘅。另外，混合荷爾蒙避孕針亦都有其他嘅副作用，包括體重增加、頭痛、頭暈、乳房漲痛，因此如果有出現以上情況都屬於正常嘅～不過如果情況持續或者加劇咗，就要盡快睇醫生呀。
另外，避孕針可以達到～99%成功避孕，同時其實避孕針係有即時性，注射後已經會有即刻的避孕功效，所以在有效期期間嘅懷孕機率係已經好低。
而以下係一啲補充資料，可以俾你參考返。在無任何避孕措施的體外磨蹭嘅過程因為其實陰莖性興奮時通常會流出透明黏稠液體(尿道球腺液)，當中有機會含有少量精子。雖然比直接在陰道內射精的數量少很多，但仍然有機會導致懷孕。
而做愛期間全程戴套同外射嘅情況啦，咁全程戴套，首先安全套能夠阻止性器官之間直接接觸，並阻止精子（尿道球腺液、精液）進入陰道，而如果完美使用可以達到98%成功避孕，而平常使用亦都有85-92%成功避孕。當然亦都需要跟返正確嘅使用方法，詳情可以參考返我哋嘅ig post：Login • Instagram 而外射係可以避免精液流入陰道，而成效則為約78%成功避孕，但並吾建議使用呢一種避孕方式，因為尿道球腺液都有機會導致懷孕。而基於你嘅情況可以了解到應該係全程用安全套再加冇體內射精，其實避孕的成功率都好高㗎
咁另外其實以你嘅情況可以見到你已經係避孕方面都下咗好多工夫，有打針加有使用安全套，其實成功避孕的機率已經好高
，不過如果依舊係唔安心嘅話亦都可以嘗試同伴侶溝通下，舒緩壓力。又或者可以同伴侶討論如果真係出現意外懷孕的情況要點處理，可能係達成共識之後你嘅擔憂都會減低。如果實在未能做好進行插入式性行為的心理準備，亦都可以嘗試口交或者手交呢一類低懷孕風險的性行為，並係ready嘅時候先再發生進一步嘅性行為。
（Intern同學 Ken Ngan）
多謝你超詳細嘅回覆
因為上一段關係我冇做好事前避孕，所以會成日擔心。依家做好避孕都令自己同另一半安心啲！
我腹痛暫時未有加劇，明白有唔同副作用。以上問題都係predict嘅情況，多謝你解答我嘅疑問