性病問題☹️

如果check到有滴蟲同脲原體。醫生都開左各2種抗生素食7日,半個月後會再檢查。上網睇都話連續check3個月確保完全康復才可再次發生性行為。想問下 呢2個菌可唔可以永久康復,因為真係好擔心。:pray:t4:

Hello​:smiling_face_with_three_hearts:首先滴蟲同埋脲原體都係完成整個抗生素療程後可以完全根治到嘅性病,所以都唔需要太擔心~至於康復嘅時間其實好睇你有冇根據醫生嘅指引完成整個抗生素嘅療程,同埋停止性行為。因為大部份嘅性病(包括以上兩種)都係由性行為而傳播病毒,所以喺性病未完全痊癒之前,都需要停止任何形式嘅性行為,以免再受其他性病感染,同埋將本身嘅性病傳染俾人。見到你有提及半個月之後會再做檢查,嗰時可以由醫生判斷你嘅情況係咪已經屬於完全康復,如果係嘅話就可以再次發生性行為,或者如果你對於性病有疑問都可以諮詢返醫生嘅意見:man_health_worker:t2::woman_health_worker:t2:

另外,人體係感染性病後,並唔會產生免疫能力,如果持續進行唔安全嘅性行為,就可能會再患上相同嘅性病或感染其他性病。所以都建議喺發生性行為嘅時候使用安全套,咁就有效避免意外懷孕,或者感染性病嘅風險:ok_woman:t2:

如果伴侶都完全無事/康復,雙方都無事了,之後唔用condom係咪都唔會再重複感染?:pray:t4:

Hello
明白你好擔心,不過首先想同你解釋返,當高風險體液,例如精液、尿道球腺液、陰道分泌物、腸液同血液,直接接觸到性器官、比較脆弱嘅黏膜組織(例如口腔、肛門、陰道、尿道口),特別係當上面有開放性傷口(正在流血)先會有比較大機會可以造成性病傳播,而前提係對方有感染咗性病(無論有冇病徵)。

所以,如果你同伴侶都完全康復,你哋兩個嘅體內都冇病原,而且有性行為整個過程都使用安全套,咁感染性病嘅風險係好低嘅,唔使太擔心呀。 :blush:

之前check過有陰道加德納菌,醫生都話不用食藥,可信嘛?還是再看另一個醫生開藥? 同埋呢隻菌會唔會斷尾?:pray:t4:

陰道加德納菌(Gardnerella vaginalis,GV)係一種常見於陰道嘅細菌,主要通過性接觸傳染。正常狀況下對人體冇害,但當遇到生病,天氣炎熱潮濕等情況,就有機會大量繁殖,造成感染。病發時除咗會釋出異味外,往往都會有發癢症狀。

治療陰道加德納菌嘅方法有兩種,通常情況下,醫生會處方一啲抗生素藥物畀你服用,只需要按指示服用,直至服完所有嘅藥物為止,就完成治療。如果醫生處方咗藥膏,就要按時搽喺患處。

女性如果唔及時治療,有機會導致陰道炎及子宮感染。如同時感染其他病原體,更有可能導致細菌性陰道病,病症包括陰道有異味及分泌物、外陰紅腫(較少見)、排尿或性交困難(較少見)。妊娠婦女則可引致早產或嬰兒感染。男士如果唔及時治療,可能導致泌尿生殖系統出現問題,如出現尿道炎、膀胱炎、前列腺炎及龜頭炎。嚴重嘅時候更可發展成敗血病(Sepsis)、肺膿瘍(Pulmonary abscess)或腎週邊膿瘍(Perinephric abscess)。

當然,如果陰道加德納菌處於正常水平,咁就未必需要用藥。所以如果醫生冇處方藥物,可能要問返詳細嘅原因,或者搵專科醫生做多次檢查,等醫生決定需唔需要食藥。而正如第一段所講,陰道加德納菌係人體常見嘅細菌,所以唔保證今次完成治療後就唔會再次感染。要預防再次感染,你同你嘅伴侶都要每日清潔性器官(可以參考呢條片:如何正確清洗陰部?|Sally's Toy - YouTube
同埋留意多啲分泌物嘅顏色同氣味有冇異常,如果出現問題,就要盡快睇醫生啦!

男朋友都check到有 微小脲原體
醫生話佢check到但無任何症狀
所以唔洗食藥,係咪可以?
如果我食左藥,我好返,佢會唔會傳染返俾我:pray:t4:

Hello​:otter: 好開心聽到你同你男朋友都有搵醫生去做檢查,了解大家身體嘅情況。

需唔需要食藥依方面,就好似上面嘅回覆一樣,好視乎每個人體內病菌/病毒量嘅水平嘅。如果唔放心嘅話,一定要搵睇你哋嘅負責醫生問返詳細嘅原因,或者搵專科醫生做多次檢查,等醫生決定需唔需要食藥,千祈唔好自行決定食唔食。始終醫生可以比到專業意見你同你男朋友,可以準確咁比到合適你哋嘅治療:two_hearts:

另外,上面嘅回覆亦都提及到即使感染過性病,身體內係唔會產生對性病嘅抗體,亦即係話即使你食咗藥完全痊癒後,假如再接觸到性病嘅細菌或病毒,一樣有機會再次感染。所以如果伴侶有性病 (有冇病徵都好) ,你哋唔使用安全套進行高風險體液(例如精液、尿道球腺液、陰道分泌物、腸液同血液等等)直接接觸到性器官嘅性交就會有機會造成傳染,而當比較脆弱嘅黏膜組織 (例如口腔、肛門、陰道、尿道口)上有開放性傷口 (正在流血) 嘅話,造成性病傳播嘅機會亦會更加大。

:warning:所以為咗降低返性交時,性病會被傳播呢個風險,最好係過程中使用安全套。咁樣除咗可以減少因為接觸高風險嘅體液而感染性病嘅機會,可以避免懷孕:warning:而且雖然你所提及嘅陰道加德納菌同微小脲原體唔係常見嘅性病種類,但亦係可以透過性行為傳播嘅病菌。而事實上亦有好多其他病菌或疾病可以透過性行為傳播,例如念珠菌或者尿道炎等等,所以即使大家無感染性病或者醫生表示體內某種病菌嘅數量未多到雖然食藥去治療都好,都建議發生性行為時要使用安全套,保障大家嘅健康。

希望可以解答到你嘅問題啦:two_hearts::otter:
(Intern同學 Dorothy Cheung)

第一次聽依個病 :pleading_face: