妻之友用法

想問下妻之友呢類嘅外用避孕藥正確用法係點樣?
今日同女朋友做嘅時候第一次嘗試咗呢種工具
(除咗計安全期同妻之友以外冇用其他避孕方法)

性行為之前嘅大約一、兩分鐘放咗一粒入去,放到入去最深
做咗大約六、七分鐘因為有啲驚唔夠藥效所以又放多咗一粒

但係用藥之後陰道好似比以往多分泌物
有啲仲流出咗體外
射精後就只係用紙巾抹過外陰,冇灌洗陰道
想問下咁樣會唔會影響藥效?

Hello​:smiling_face_with_three_hearts:首先妻之友係屬於外用避孕藥物,喺香港係無需醫生處方嘅,佢嘅原理係能夠殺死精子,或令精子失去活動能力,阻止精子同卵子結合。使用方法係喺性行為之前3-5分鐘,將一粒藥放喺陰道深處就可以啦。但如果30分鐘內仍未射精,就需要放多一粒藥。見到你有提及發生性行為後6-7分鐘後放多一粒藥落陰道,咁呢一度都解釋咗點解分泌物比以往多咗,因為你哋距離第一次放藥隔左好短嘅時間,如果下次再使用, 喺距離第一次放藥30分鐘後再放就可以~另外你亦有提及性行為後嘅清潔方法會唔會影響藥效,答案係唔會嘅,因為根據佢嘅說明書提及,只要性行為後唔好立即灌洗陰道就唔會影響藥效。呢度都想補充少少,即使係平時性器官清潔,我哋都唔需要灌洗陰道,因為分泌物會因為地心吸力嘅原理,最後都會流出陰道,所以無論係使用外用避孕藥,定係平時性器官清潔,都唔需要灌洗陰道~

另外都見你有提及你哋係第一次使用呢一種避孕方法,除非身體不適用其他嘅避孕方法,一般嚟講我哋都唔會建議用外用避孕藥去作為安全措施:bowing_woman:t2:因為呢一種避孕方法嘅失敗率都有18-28%,如果一唔小心錯誤地使用,或者其他因素導致藥物失效,意外懷孕嘅機會都好大。所以一般情況嚟講,外用避孕藥都視為係額外嘅安全措施。

而且,見到你有提及平時會計安全期,所謂嘅「安全期」係指月經前嘅七日同月經起計七日。不過呢一個計算係好科學地以周期數字係28日,而且係以第14日排卵去計算。但現實生活中唔係每一個人嘅周期數字都係28日,亦唔係每一個女性都係喺第14日排卵,而且其實要月經嚟咗先至會知道到底幾時係前七日同後七日,所以一般情況下係唔會建議大家透過計算安全期或者危險期去避孕。

其實有好多種嘅安全措施,例如事前避孕藥,避孕針,子宮環等,詳情都可以參考返家計會嘅網站:thinking:希望你同女朋友都可以商量吓,選擇適合大家嘅安全措施,咁就可以更享受性行為同時,避免意外懷孕同埋防止性病感染嘅風險:ok_woman:t2:

唔該晒你哋🙇🏻‍♂️

想問下其實如果真係跟足說明書咁用,失敗率其實高唔高?
因為見佢說明書上好有自信咁聲稱唔洗兼用其他方法

同埋有另一個問題想問係因為放完第一粒藥等唔夠三分鐘就有性行為,而當過咗一陣我再放多粒入去嗰陣feel都上一粒藥只有好少好少(大約半粒米size)未完全融化晒

同埋射精之前有拎過陰莖出嚟(為咗轉姿勢),同一時間有啲分泌物流出嚟,想問啲藥會唔會流埋出嚟
咁樣效果會唔會有影響:

明白你嘅擔憂,不過想你知道,現時除咗完全唔發生任何性行為之外,暫時冇一種避孕措施可以做到100%有效避孕。

「妻之友」係通過將有殺死精子/令精子失活功效嘅藥物擺入陰道,從而達致避孕嘅功效,呢種方式嘅避孕成功率暫時冇一啲科學界統一認可嘅數據,不過大概為70-80%左右。所以都建議可以配合其他安全措施,例如安全套或者荷爾蒙避孕法一齊使用。

好多因素都有機會影響呢種藥物嘅功效,例如擺嘅位置唔夠入,或者你所講嘅情況。所以,建議你同女朋友商量下,考慮使用埋其他安全措施。 :blush: