今朝已經自慰咗兩次
但我而家又好想要
我驚縱慾過度
Hello~ 好多謝你同我地分享你對自慰嘅一啲諗法
自慰嘅次數多少的確係因應唔同人嘅性需要，並無一個所謂「正常」嘅自慰次數嘅，只要自慰依個行為唔會影響到日常生活就無問題。影響日常生活嘅意思係可能要強逼自己自慰定先可以出門口返工/返學，或者因為經常諗住自慰而無法專心工作等等。見你有提到驚縱慾過度，都會想了解返你會唔會面對一的情況係影響到你嘅個人生活。不過唔需要太擔心，即使有依個情況，都係可以改善嘅。
我哋會自慰嘅原因有好多種。除咗感受自慰所帶嚟畀身體嘅快感之外，其中一個好常見我哋會自慰嘅原因係以自慰黎減壓。以自慰黎減壓係無問題嘅，因為高潮會令身體釋放安多酚，而全身肌肉嘅繃緊再放鬆都可以幫助我地放鬆身心。不過建議你除左自慰之外，都尋找下其他令自己放鬆嘅方法，同時發掘下自己嘅其他興趣，例如可以做下運動、約下朋友咁，令自己嘅生活重心唔好只側重於自慰上。雖然唔知道你係因為啲咩原因而擔心自己縱慾過度，但都希望以上嘅提議可以幫助到你。
見到你之前都有問過類似嘅問題，相信呢一個有關於自慰嘅情況都非常困擾你，希望你都可以花時間去睇返我哋同事之前對你嘅回應，希望集合多人嘅意見幫助到你啦