唉。。。。

上年又係呢個時段冇嚟M兩個月,已經驗咗七次都冇。。。。好驚會唔會有宮外孕嘅問題。。。。

首先,想問返你呢段時間有無發生性行為呢?如果無嘅話,係無可能會有懷孕嘅機會嘅。如果有發生性行為,咁你記唔記得自己驗孕嘅日期?因為見到你驗咗7次,但其實驗孕都要係特定時間驗㗎,要係發生性行為嘅7日後先可以驗,而11後就會有比較準確嘅驗孕結果。

另外,其實宮外孕呢,唔係所有有宮外孕嘅人都會驗到有懷孕嘅,有一部分人係會驗唔到,所以最好都係去睇醫生,諮詢返醫生嘅意見。

睇到你話無嚟M兩個月,其實好多因素都可能會令經期唔穩定㗎,例如:休息時間唔夠、大壓力、長期熬夜、生活習慣改變、食藥、長期處於擔心狀態 等等。你可以調理返自己嘅作息、心情。另外亦都可能係因為卵巢多囊綜合症導致某啲女性月經周期紊亂,出現「雙月經」或「四季經」嘅情況。如果你發現近年來身體出現變化,例如肥胖、身體多毛、多暗瘡等嘅臨床症狀,建議你可以去婦科診所做身體檢查,睇吓會唔會有機會係卵巢多囊綜合症。

最後,見到你話上年呢段時間都無嚟M,你係咪每年呢段時間有啲特別嘢做?或者令身體係呢段時間有所變化,所以導致會無M嚟?

(Intern同學 Fionn)