肛交會懷孕嗎?

前幾日同男朋友肛交,做咗兩次(兩次都有戴套)。每次做完都會去洗吓下体,但係之後大家都有撫摸大家嘅性器官。請問會懷孕的機會有幾多?以及肛交前及後需要注意什麼?

Hello, 多謝你願意分享你嘅情況同埋疑問:otter:

首先,欣賞你同你伴侶喺有安全措施情況底下進行性交同埋保持下體嘅衛生:otter::heart:

岀現懷孕只會喺精子進入陰道後有精子成功同卵子結合,成為受精卵,先會發生。

再睇翻你嘅情況,你同你伴侶進行性交嘅位置係肛門,肛門同子宮喺結構上係唔相通,所以陰莖冇進入過陰道,所以並唔會導致懷孕。再加上你哋肛交時有使用安全套,陰莖嘅分泌物亦唔會意外地接觸到陰道,所以,你哋所進行嘅肛交係冇懷孕嘅風險。

不過,依到想了解翻肛交後你哋除咗撫摸雙方性器官之外,陰莖有冇直接到陰道或陰部?因為陰莖喺性興奮時已經會分泌一種叫做尿道球腺液嘅分泌物,入面有機會含有精子,假如有直接接觸到陰道的話就有機會導致懷孕。:exclamation::exclamation::exclamation:

另一方面,以下係一啲肛交前後你可以準備嘅事情同要注意嘅事項: 。

:one:使用指套或安全套

無論係用手指定陰莖插入肛門,最好用指套或安全套包覆手指或陰莖先進行插入。因為肛門口同直腸內壁係好脆弱,指套或安全套可以避免細菌進入體內,同時亦可以避免指甲刮傷腸道內壁而受傷。:two_hearts:

:otter:指套嘅尺寸比安全套細。通常喺情趣用品店舖買到。但係一時之間冇嘅話,可以將安全套直接套喺手指到,然後進行指插。

:two:潤滑劑

陰道嘅分泌物係有潤滑作用,但直腸所分泌嘅腸液嘅作用唔係用嚟潤滑,而且量亦會比較少。所以,為咗保護直腸內壁,減低傷害,提高潤滑程度就要用潤滑劑啦:two_hearts:

要留意喺用乳膠安全套嘅情況下,唔可以用油性嘅潤滑劑或者凡士林同BB油呢類油性產品,因為油份會令乳膠安全套破裂,令到佢失左咗原本保護嘅作用:exclamation:油性潤滑劑亦有機會引起發炎嘅情況,要盡量避免使用。而且,肛交會比起陰道交需要更多同更持久嘅潤滑度,除咗一般嘅水性潤滑劑,你亦可以考慮用矽性,又或者係水矽混合型嘅潤滑液,去提供更持久嘅潤滑度。:two_hearts:

:three:事前事後清潔
其實一般情況下,肛交主要係插入直腸嘅位置,而呢個部份本身並無糞便會儲存係度,所以其實並唔需要刻意去清潔再進行肛交嘅。如果擔心衛生問題或者預防性病,使用安全套去進行肛交已經好足夠。如果想追求更進一步嘅乾淨度,可以考慮灌腸。將溫和嘅清水經肛門灌入直腸,忍耐一下後再將水排出體外,重複呢個步驟幾次直到水嘅顏色變得清澈。市面上亦會有專門嘅灌腸器可以購買,如果有需要可以去情趣用品店舖了解多啲。

而喺肛交後,建議用溫和嘅濕紙巾或者清水清潔肛門口同附近嘅身體部位,接觸過肛門嘅物件或者身體部份亦會徹底清潔先好再使用係其他部位上,避免直腸內嘅細菌意外接觸到其他地方造成感染。

最後,進行仼何形式嘅性行為都要喺得到大家同意之下先好開始,大家係事前可以溝通多啲自己嘅喜好同期望,咁就可以令性行為發生得更順暢同安心啦:two_hearts:

希望可以解答到你嘅問題啦:smiling_face_with_three_hearts:

(Intern同學 Dorothy Cheung)

關於撫摸,男友的性器官應該沒有直接接觸到我的性器官,但他有摸過自己再摸我(沒有用手指插入去)。請問會唔會導致懷孕?

Hello~多謝你嘅提問~ 單純嘅撫摸係唔會導致懷孕嘅,因為只有喺精子同卵子結合成受精卵後,且到達咗子宮腔先會成功懷孕。而如果冇插入,或性器官之間冇直接接觸,基本上精子係冇可能進入陰道嘅。除非你男朋友摸完佢嘅下體之後,手上面有殘留嘅精液,或者尿道球腺分泌(內含少量精子),並且有將手指插入陰道,咁先至有可能導致懷孕。但就算係咁,懷孕嘅機率都係極低嘅,唔需要擔心。