咁樣會唔會有左 好驚

3/6 同男朋友口左之後佢射左係我口裡面然後我地錫左,之後佢就即刻幫返我口;佢隻手指都好似碰到啲精之後都有用手指插入陰道

5/6 都係發生類似情況,但係今次有隔住底褲互相磨對方,然後之後有唔小心冇隔住任何野我下面碰到佢嗰度(肯定冇插入同埋係碰到一下就即刻冇再繼續碰

8/6 都係互相幫對方出但係冇插入

我本身月經都幾穩定每個月基本上都係8/9號有月經但係今個月已經遲左幾日,有上網查過懷孕先兆但係有啲先兆就是冇懷孕或者就黎黎m都會出現所以判斷唔到。我知道可能遲幾日好少事,但係真係搞到我好焦慮

有一啲問題想問:
1.係咪冇插入就基本上唔會懷孕?
2.我口裡面殘留嘅精子會通過錫錫過到佢個口然後碰我陰道導致懷孕(佢條利有伸到入去)?
3.手指上殘留嘅精液(肯定啲精液未乾)會因為手指插入陰道導致懷孕?
4.陰部不小心蹭到精液/未射之前嘅液體(但係應該就係冇入到陰道)會有機會懷孕?
5.我如果呢幾日去測驗孕棒有冇用?如果冇應該幾時去測定係其實唔洗測?

咁多問題唔好意思 但係真係好驚同埋好擔心 對呢方面知識又不足 想搵人解答

Hello~多謝你嘅提問:heart:明白喺唔安全嘅情況下進行性行為係會有所顧慮嘅。首先,回應咗你嘅第一同第四條問題先,就算冇插入都係有機會懷孕嘅。如果龜頭同陰道口磨擦之後射精嘅話,精子都有可能進入陰道,導致懷孕, 但係相比起內射,機率就會細好多,基本上係唔需要擔心嘅。而因為陰莖喺射精之前/性興奮嘅時候會分泌出尿道球腺液,內含少量精子,所以就算冇內射,但陰莖喺射精前插入過陰道,都有可能導致懷孕。不過同樣地,懷孕嘅機率好微,所以唔需要太擔心。

至於第二條同第三條問題,一般精子喺體外存活的時間非常短,大約喺15~30分鐘左右。一旦精子暴露喺空氣中,壽命就更短,而溫度越高存活時間越短,最終脫水而死,歸於虛無。所以喺沒有內射精的話懷孕機率都是不大的。但理論上,人類的口腔溫暖而潮濕,對精子嚟講可能係一個理想的存活環境。不過,進入口腔嘅精子大多數會俾唾液澱粉酶殺死,存活時間最多只有半小時。而如果經過埋接吻等步驟,間接進入陰道,導致懷孕嘅機率都好低,所以唔需要擔心。就算係手上有精液,並將其插入陰道嘅話,懷孕嘅機率都唔會好高。因為精子喺手上存活嘅時間大約只有十幾分鐘,雖然機率唔高,但都有可能導致懷孕。

而驗孕棒嘅檢驗時間喺做發生性行動後嘅11日最為準確,而愈接近嚟月經嘅日子驗就越準確。所以如果你真係好擔心都可以按時驗孕,或者等月經遲嚟咗7日以上再去測。

不過都想提返你就算冇插入都好,使用安全套都能夠有效避免不同嘅性病通過口交等途徑傳播,對於你或者你嘅伴侶來講都係一個更加安全同更加保險嘅做法。

希望以上嘅資訊幫到你!