平時月經都己經唔準
我做做下個套穿咗 所以即刻換一個 然後做完買事後
藥房嗰個人叫我一次食兩粒 但係說明書話 食一粒隔12個鐘再食 咁我說信說明書啦
但係我今次sex 係嚟完m第7日做
事後會唔冇用
同埋佢個牌子係安立婷
0.75 mg
啱啱好驚 所以去咗睇醫生 醫生話我可以買到假藥 所以再開咗藥俾我 但係醫生又話我係危險期 但係我即刻再食醫生開嗰粒藥 會唔會都有BB 因為危險期
Hello
好多謝你願意去分享你嘅情況同疑問
性交嗰陣，安全套穿咗，都有機會懷孕。因為男性會分泌尿道球腺液，裏內都會有微量嘅精子喺入面。尿道球腺液殘留喺陰道入面，而入面有精子嘅話，咁樣就會有懷孕嘅風險。
喺非安全措拖下進行嘅性交，擔心自己懷孕。可以考慮性行為72或120個鐘內搵醫生同埋服用事後丸。而事後丸嘅作用係去干擾排卵、阻礙受精嘅過程、或者阻礙著床。所以無論是否已經排卵，只要喺時效內根據醫生指示服用，而且食完冇嘔吐或者嚴重腹瀉，都會有避孕功效嘅。
如果日後想避孕嘅話
唔建議用事後丸作為長期使用嘅避孕措施，因為事後丸裏面嘅荷爾蒙劑量比較高，長時間服用嘅話會導致身體出現唔良好嘅副作用，例如係作嘔，頭痛，荷爾蒙紊亂，從而出現水腫等等。喺香港，事後丸依一類緊急避孕方法，係需要醫生同意同處方先可以服用。如果有需要，可以去家計會診所／母嬰健康院／部分私家診所睇醫生食藥。藥房雖然可以買到事後藥，但並無保障，甚至有啲係成分不明或者冇有效成分嘅藥。正如你所講，醫生話你有機會係食咗冇避孕功效嘅藥物。不過如果你喺醫生嗰度重新食咗藥，而服藥時間係未超過性行為72或者120小時，咁都可以做到緊急避孕嘅效果
有時有啲人嘅身體未必適合服用緊急避孕藥，都可以考慮使用子宮環作為緊急避孕嘅方法。要喺性行為120小時內，由醫生檢查你嘅身體，認為適合使用先放置入你體內。而子宮環同時亦可以作為長效避孕嘅方法。
如果你食完緊急避孕藥依然唔放心嘅，你可以考慮驗孕。驗孕係檢測身體中有冇hCG呢種受精卵著床之後身體先會產生嘅荷爾蒙。而卵子受精、著床需要大概6－9日時間。所以，性行為7日後驗孕會有初步結果，而11日後進行驗孕就會得到相對準確嘅結果。你可以計算日子進行驗孕，可能你親眼見到個結果，都會安心啲。同埋食完緊急避孕藥可能會有頭痛、腹痛、胸部脹痛呢啲副作用，係常見嘅。不過如果情況好嚴重，記得盡快去睇醫生 。而因為事後藥有高劑量荷爾蒙，你嚟緊嘅1～2次月經週期嘅情況，例如週期長度、經血量、經痛程度等可能都會受影響。
另外，都想了解翻性交時有冇用潤滑劑？如果有用嘅話，係邊種潤滑劑？因為如果有用油性潤滑劑，BB油或者係凡士林，係會破壞到乳膠安全套，令到岀現破裂嘅情況。而且油性產品可能會破壞陰部嘅酸鹼平衡。而潤滑不足嘅情況下，安全套都可能因為磨擦而破裂。所以最好用返水性／矽性或者係水矽混合嘅潤滑劑做潤滑
除咗潤滑劑之外，仲有其他因素可能導致安全套失效。例如儲存不當／冇擠走儲精囊嘅空氣／尺寸唔啱等等。關於可能導致安全套失效嘅原因，可以參考：Login • Instagram 避開呢啲因素，全程正確使用安全套嘅話，其實避孕成功率係好高嘅。
安全套正確使用方式：Login • Instagram
而醫生所講嘅危險期係指你依加受孕嘅機會比起其他日子高。不過想你知道，「危險期」其實即係「排卵期」。而排卵同月經係會受好多唔同身體因素影響。要等月經出現之後，先可以推算返幾時排咗卵。除非每日喺醫護人員指導下用排卵試紙測試，否則我地好難知道自己究竟幾時排卵。尤其你講自己月經比較唔穩定，其實排卵嘅日子都會唔同。
但係，醫生開咗藥俾你食嘅話，理論上事後丸仲有一定嘅作用做到緊急避孕。如果仲係好擔心嘅話，最好搵醫生做一個詳細嘅檢查。
希望可以解答到你嘅問題啦
(Intern同學 Dorothy Cheung)
如果我係sex完4小時內食咗事後 會唔會都有咗
同埋我男朋友有射到 穿嗰一下都唔係入面穿
佢係換咗套再射 我懷孕機率會唔會好高
呢個問題請你睇返：
如果你可以好肯定安全套喺體內冇破損，整個性行為過程都有使用，安全套冇穿冇漏，咁懷孕風險係好低嘅。
而如果你唔肯定，由於你已經喺72小時內服用咗醫生處方嘅緊急避孕藥，懷孕風險都會好低。
懷孕係要有陰莖分泌物（精液同尿道球腺液）中嘅精子進入到體內，同卵子結合，卵子受精成為受精卵，受精卵著床而造成。你使用安全套、服用緊急避孕藥，都係阻礙緊懷孕嘅過程。