有關安全套問題

Hello, 我和男朋友的經驗都比較少,只有過一次肛交,但沒有用過安全套,雙方事前事後都進行了清潔。之前想試多次肛交,今次用安全套,有矽性的潤滑劑,但試咗兩個唔同size的安全套,結果兩個都爆了:joy:

請問是安全套太細的問題嗎?

唔好意思,未打完但唔小心send咗出去,補充一下:rofl:

第一個套:
直徑35mm
圓周110mm
闊度55mm
長度170mm

第二個套:
直徑32mm
圓周100.5mm
闊度50mm
長度170mm

雖然係成年人,但大家都係雙方的初戀,所以對size都冇咩概念,但又唔覺得男朋友的size大到兩個套都用唔到:thinking:

你好呀~首先多謝你嘅提問先~

可以理解到你哋所使用兩個唔同size嘅安全套都出現咗安全套爛咗嘅情況啦。

咁首先想講返你地肛交使用安全套呢個行為十分正確,肛交懷孕嘅風險係好低微,因為陰莖同陰道冇接觸,所以精子流入陰道嘅機會好細,不過都係有機會精液/尿道球腺液意外接觸到陰道/陰道口。所以使用安全套可以遲免到以下嘅情況,同時亦減低咗性病傳播同埋其他感染風險,例如尿道炎、陰道炎、龜頭炎。大家都可以安心啲~

咁會先建議你地嘗試下使用比較大size嘅安全套啦,因為根據你所俾嘅資訊可以了解到你地第二次所用嘅安全套比第一次所用嘅反而細咗,而唔適合嘅size係的確有機會導致到安全套破裂嘅情況嘅~咁了解到你哋未知如何去量度尺寸,而我哋ig都有個post正正係有關如何量度同選擇,希望可以幫到你去買到啱嘅size Login • Instagram

亦都有可能係使用嘅方式出現咗問題,例如無將儲精囊(安全套前端的氣泡)的空氣擠出,因為如果在使用前無將內在嘅空氣擠出,咁性行為摩擦過程中/當男性射精時就會令到安全套內的壓力增加,從而導致到安全套破裂嘅情況出現。

另外亦都有機會係打開包裝嘅時候唔小心導致損壞嘅情況。所以係打開安全套包裝時需要特別注意,小心翼翼咁撕開,並且避免使用尖銳嘅道具嚟打開。

咁另外都想建議會唔會可能嘗試使用其他類型的潤滑濟,例如水性或者水矽混合嘅。水性雖然比較容易俾皮膚吸收所以有機會要中途補充,但水性比矽性更能有助提升潤滑嘅程度。而如果你哋比較想使用矽性嘅,水矽混合嘅亦都可以,因為當中包含咗水性同矽性嘅長處,咁就可以有矽性嘅特質,同時又可以增加潤滑度。當然你哋可以兩種都嘗試下,睇吓邊一款比較適合你哋,不過都要注意下,因為肛交相對陰道交可能會需要多啲嘅潤滑劑,所以一定要使用夠量,因為潤滑不足嘅話都係會導致安全套摩擦破損。

我哋都想俾多兩個post你地參考返~係有關安全套嘅正確使用方式同埋令安全套失效嘅原因嘅。希望有助你地參考如何正確使用安全套。

安全套正確使用方式: Login • Instagram

令安全套失效嘅原因: https://www.instagram.com/p/CM4ereiDmIl/?igshid=YmMyMTA2M2Y=

(Intern同學 Ken Ngan)

多謝你詳細的回覆啊,因為冇度過size,所以買嘅時候就兩種size都買咗。

以前都有查過點用安全套同相關知識,所以套落去嘅時候都有留意住,同埋有㩒住儲精囊嘅位置。點知一路套就一路滑返上嚟,然後抽插一陣就聽到啪一聲爆咗了,兩種size都係咁。下次會買大d的了,都會試下轉用水性或水矽混合潤滑劑:rofl:

欣賞你地有做資料搜查!:two_hearts:

希望知道咗更加多關於安全套尺寸、正確用法同導致失效嘅原因嘅資訊之後會幫助到你地!

安全套嘅尺寸好重要呀,尺寸過大或者過細都可能會導致安全套破裂,或者使用過程中造成陰莖不適,甚至安全套可能脫落留喺體內。所以記得度好尺寸再買呀:wink:
而尺寸同材質方面,都可以俾多個建議你地嘅,可以買少量先,如果啱用先再回購~

潤滑劑方面,都欣賞你地識得使用。
想提提你,如果潤滑劑中含有油性成分嘅話,係會造成乳膠安全套破損。同埋油性產品都有機會破壞陰部嘅酸鹼平衡,影響到陰部健康。所以我地唔建議使用。你地可以睇返用緊嗰枝潤滑劑嘅成分。
有啲肛交用嘅潤滑劑都係矽性嘅,因為相比水性,矽性相對比較唔容易被皮膚吸收,唔需要喺性行為過程中補用,而事後就可能需要多啲清潔。不過每人嘅喜好同埋身體情況都唔同,對於一啲人嚟講,水性產品嘅感覺更加舒服,所以冇話水性、矽性或者水矽混合型邊種一定最好,只要搵到適合你地嘅就得~所以都不妨嘗試下唔同種類呀。最緊要要用够份量!:blush:

知道,多謝你地嘅回覆!:blush: