開新藥遲左一日食

你好呀!
我一直食開Marvelon事前避孕藥(21粒),食在兩個用,大概係經期第4-5日開新藥,正常係星期四開新藥。
但今個月我遲左一日,係星期五開左只食左一粒。暫時未有性行為,請問仲有冇藥效?同埋我下次應該係食星期四定星期五?:pray:t5::pray:t5:

Hello! 你上次停藥後遲咗一日先開始食新藥,係可以如常食藥嘅,唔使擔心。不過頭七日除咗準時食藥,如果要發生性行為都要使用安全套。今個月只要如常每日食一粒藥,完成晒21粒藥之後停七日再開新藥就可以啦。

服用事前避孕藥嘅時候,都要按照指定嘅食藥指引去完成所有藥物先可以準確地發揮藥效,例如你食緊嘅21粒裝,就係每日食一粒,完成21日之後停七日藥,之後不論月經結束未都要開一包新嘅藥。

用逢星期幾去記住要開新嘅藥會比較容易造成混亂,你可以考慮用一啲記錄食避孕藥嘅Apps,除咗每日會有鬧鐘提示自己食藥,亦可以確保自己停藥後記得準時開新藥。