有關第一次食避孕藥問題

4/6第一日食yaz避孕藥,食左第六天我同男友都隔住褲磨擦,不過因為我條褲同內褲比較鬆身,之後食第7日我有睇中醫調理身體,但同避孕藥是隔左4-6個鐘先食嘅~食中藥關係啲中藥是會痾的,隔日食總共兩次中藥,之後都一直按時間食避孕藥的!
第一個問題:請問食第六天的避孕藥時隔褲磨擦是否都係安全不會懷孕!第二個問題:如果我食中藥有隔4-6小時先食,咁係咪一樣發揮到效用!第三個問題:如果食中藥調理身體但有痾會唔會果兩日無左效用:pray:麻煩晒!!另外,我食左yaz 避孕藥之後好多時都有胃痛,胃脹等問題!是否正常!我已經是飽肚食避孕藥的~:pray:

另外都想問多個問題:如果我媽是有血壓高、心臟問題食緊薄血藥、糖尿病,是否我係不能食避孕藥的?

補充返少少資料,30/5第一日經期,家計會姑娘叫我4/6食第一粒yaz

Hello​:otter:好多謝你願意分享你嘅情況同疑問:two_hearts:

:one:睇翻你嘅情況,隔住褲去磨擦,基本上其實唔會懷孕。因為精子唔可以穿透衣物再經陰道進入子宮,而且精子接觸空氣,水或喺布上面乾咗,失去咗適合精子生存嘅環境,加快咗精子死亡速度。不過,想知道你除咗隔住褲磨擦,之後有冇進行過陰道交?因為首次服食避孕藥的話,如果喺月經期間開始,頭7日如果要發生性行為都會需要額外使用安全套作避孕,確保有足夠時間俾藥效喺體內建立。所以,如果你哋除咗隔住褲磨擦,陰莖亦有直接接觸過陰道嘅話,相對上都會有一定風險。不過,如果你係喺月經期間開始食第一粒藥,而食藥呢6日都無出現一啲嚴重副作用導致係食藥後短時間内嘔吐或者有昏迷等嘅情況,去到第6日藥效基本上都建立到,風險會比較細。如果擔心嘅話,之後即使只係隔住褲去摩擦,都可以用安全套包覆住陰莖,進一步減低風險:two_hearts:

:two:&:three:避孕藥嘅成份係荷爾蒙,身體吸收荷爾蒙嗰陣佢會經血液去擴散。而胃部要完全消化晒胃入面嘅食物,需要嘅時間大概2個鐘左右。再睇返你嘅情況,係食藥4至6小時之後先食中藥係原則上係唔會影響避孕藥嘅功效。因為嗰陣已經消化左避孕丸,而避孕丸當中嘅荷爾蒙已經被吸收,而且當你服用中藥之後肚痾,只會影響腸道嘅活動,從而將身體嘅代謝廢物排走。所以唔會影響避孕丸嘅藥效:two_hearts:不過服用中藥,出現肚痾嘅情況嘅話,可能本身體質對呢隻中藥岀現肚痾依個副作用,或者可能本身中藥嘅功效係咁樣。

:warning:另外亦要留意番,並唔係所有中藥或者其他西藥都可以同避孕藥同期服用,如果唔肯定嘅話,建議向處方藥物俾你嘅搵中醫問番清楚,了解多啲:two_hearts::otter:

:four:服用避孕丸嘅第一個月嗰陣岀現少許嘅副作用係正用嘅,例如想嘔,頭暈,頭痛等等。而副作用岀現幾耐要視乎自己身體體質。所以有啲敏感啲嘅體質係6個月。有啲人就1至3個月。如果服食避孕丸嘅副作用持續六個月嘅話,或者個人因服用避孕丸已經身體唔舒服好一段時間,建議搵醫生尋求協助:two_hearts:另一方面,其實市面上都有好多唔同嘅避孕藥牌子,每隻所含嘅荷爾蒙款式同劑量都唔一樣,有時一隻藥物引起較大嘅副作用並唔代表完全唔可以繼續食藥,反而可能係另一牌子嘅藥物會更適合自己嘅體質。所以如果你覺得現時嘅副作用係不能忍受或者會影響到你日常生活,可以隨時預約返家計會診所,請醫生建議另一牌子嘅藥物再試下。

最後有關媽媽有血壓高、心臟問題,糖尿病等情況會唔會影響你可唔可以食藥,都想了解翻你喺家計會見醫生嘅時候提起過呢方面嘅資訊?如果家計會醫生係知情情況係仍然認為你係適合食藥的話,基本上都唔使擔心。但如果當時你冇交代過屋企人嘅病史,都會建議你聯絡返家計會診所同醫生講翻你嘅情況再睇睇可唔可以繼續服用呢隻避孕丸。

希望可以解答到你嘅問題啦:two_hearts::otter:

(Intern 同學 Dorothy Cheung)

1:)我在食yaz 的第六天除咗隔住褲磨擦外,再沒有任何性行為!2:)我在家計會一時之間沒有同姑娘提及過我媽媽有長期食藥!

Hello,解答翻你嘅問題。

  1. 正如上面所提及到,假如你喺摩擦之後並冇進行任何插入式性行為,懷孕會好低,因為藥效已經喺體內建立,唔使太擔心。

  2. 相信你可能需要再次去家計會向專業人士查詢,因為血壓高、心臟問題,糖尿病都有機會遺傳,所以並唔清楚會否與避孕藥有衝突或有影響。如果經判斷後係適合繼續服用,咁就唔使再擔心啦!:ok_man:t2:

(Intern 同學Kelvin Chiu)

請問點解家計會啲姑娘會話食避孕藥的頭7日需要加安全套?
另外亦想清楚了解一下,避孕藥本身的原理!
如果之後唔食,之後經期係咪就正常返~
唔好意思!好問題問,但又好想再多一些清楚啲嘅資訊:pray:

Hello​:smiling_face_with_three_hearts:首先解答左你第一條問題先,因為你係第一次食避孕藥,未知道你嘅身體係初次服用嘅時候會有啲咩情況,所以家計會嘅姑娘會話食避孕藥嘅頭7日需要加安全套,其實係一個額外嘅保障。

而避孕藥嘅原理係透過人造荷爾蒙,抑制卵巢排卵,佢亦能令子宮內膜產生變化,令受精卵無法著床。同埋人造荷爾蒙可以增加子宮頸分泌物嘅黏稠度,使精子難於穿過黏液,進入子宮腔內。

至於第三條問題,有關停食避孕丸之後嘅月經周期,對於大多數女性而言,持續服用避孕丸係可以令經期規律化、減少經血量同埋緩和經痛。有啲人係服食初期經期會不規則,但呢個多數係暫時性嘅現象。停用避孕丸之後,月經週期同埋經血量會回復未服避孕丸前嘅情況,但係停服後初期可能會有經期不準嘅現象。而且一旦停止服用,即可係短期內恢復生育能力。