請問咁樣懷孕風險大唔大

全程有帶套 岡本0.01
有用水溶 ky
有帶套內射
完事後完整連套拔出
用水check 過套無穿無漏

但對方都唔放心
食左二代事後丸

想問懷孕風險高唔高

謝謝

唔記得講
果日應該係排卵期呢段日子
所以有啲擔心我謝謝

Hello,多謝你嘅問題先。睇返你嘅個案,相信懷孕機率係好低嘅。

首先只要你有喺進行性行為嘅全程正確使用安全套,避孕率可達98%。而水性潤滑劑亦適合任何安全套,唔會影響安全套嘅功效。

有關事後丸方面,事後丸係透過高劑量嘅人造荷爾蒙抑制排卵或干預受精卵着床嘅過程,只要有依照指定時間內服用並且服用後冇嘔吐,基本上已經會喺體內發揮功效。而服用事後丸有機會導致月經提早或延遲嚟,可以留意翻萬一月經冇準時嚟,可能係受到事後丸嘅影響。

假如而家仲係好擔心嘅話,你可以選擇驗孕。驗孕棒係透過檢測尿液中嘅hCG(人絨毛膜促性腺激
素) 含量,從而判斷是否懷孕。若然懷孕卵子受精著床需要6-9日,所以喺發生性行為後嘅第7日進行驗孕就會有初步結果,11日後就會有相對比較準確嘅結果。不過最重要都係要記得依照返包裝或說明書上嘅指示去使用。

如果真係好擔心意外懷孕,亦都有恆常嘅性行為嘅話,亦可以選擇服用事前避孕藥,事前避孕藥喺透過人造荷爾蒙抑制排卵以達至避孕功效。完美使用嘅話避孕率可達99.7%。不過真係決定好使用之前應參考醫生建議,並定期由醫護專業人員進行評估身體嘅狀況是否適合服用事前避孕藥 (每年至少一次)。

至於排卵期並唔能夠輕易估算,因為需要等待月經出現先會知道月經周期嘅數字,故無法推算安全期同埋排卵期。而且月經周期亦會受到太多外在及內在因素影響,例如壓力、藥物、生活作息等。因此你所提及嘅排卵期只能當作參考用途。不過你有全程使用安全套同埋服用左事後丸,基本上可以唔使太擔心有意外懷孕嘅風險。

希望有解答到你嘅問題:ok_man:t2:

(Intern 同學 Kelvin Chiu)