停打單一荷爾蒙避孕針

打左3、4年避孕針(3個月打一次),黎緊想停打避孕針。想知道大概幾耐會有月經黎?過左幾耐無黎要睇醫生?身體有無咩要注意。謝謝

Hello~多謝你嘅提問:heart:停止注射避孕針後,一般喺6至9個月後先可以恢復正常排卵,即係要大約半年先至可以嚟返月經,所以停用之後可能唔能夠喺短期內受孕。

而喺停用避孕針或避孕藥的人當中,間唔中都會出現月經唔嚟,或者嚟得不正常嘅現象,例如月經量較少,或週期較長等情況。大部分原因都係因為身體喺停藥後未適應,亦可稱之為荷爾蒙失調。呢個情況通常都會喺幾個月之後自然回復正常。如果你嘅月經喺未使用避孕針之前都係不準嘅,咁停針之後亦有可能不準。但唔理係前者定後者,如果情況持續,都應該睇醫生檢查,排除其他引起月經失調嘅原因,例如卵巢多囊症,甲狀腺問題,催乳激素過高等,咁就可以放心備孕啦!

不過,因為每個人嘅情況都唔一樣,可能有人喺停咗針之後身體/月經周期唔會出現好大嘅變化,但有啲人就會,所以都建議可以喺決定停打避孕針之前諮詢醫生嘅意見,相信醫生可以就住打針之後會出現嘅情況同埋你嘅身體情況作出補充意見~

1個讚

好的,謝謝! :smiling_face_with_three_hearts: