個套帶得唔正確 會唔會有左

男朋友買返黎個套好緊
帶到一半左右就會卡住,冇辦法成條包曬
係冇包曬既情況下扑左
果晚佢射咗兩次,兩次都帶住套係體外射

想問下咁樣容唔容易懷孕?
今日已經遲左個幾星期黎m

明明已經安全期+帶套🥲

Hello~多謝你嘅提問:heart:經期遲咗幾個星期的確好令人擔心嘅。呢度都想問番你,之前兩次性行為之後,有冇灌水檢查安全套有冇破裂?因為安全套過短、過緊,使用嘅時候唔單止會覺得緊繃、疼痛,仲好容易破裂。如果安全套穿咗嘅話,咁就算係體外射都好,陰莖射精之前嘅尿道球腺分泌,內含少量精子,都有可能導致懷孕。所以建議當發現安全套尺寸唔合適,應該重新購買,確保安全。至於如何量度陰莖尺寸,可以參考以下網址:安全套尺寸指南 | 香港安全套專門店 - Sampson Store

https://www.instagram.com/p/CNmt0RpDzpy/?igshid=MDJmNzVkMjY=

至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。

如果唔確定安全套有冇破裂嘅話,建議可以用殮孕棒進行驗孕。建議驗孕時間係性行為之後嘅14日左右,而當月經已經延遲咗7日以上,個結果就最為準確,因為如果係上次月經週期已經懷孕,咁通常已經懷孕四週。所以你宜家驗孕嘅話,個結果就最準確。如果確認冇懷孕,就可以考慮要唔要搵醫生處方催經藥,但如果有懷孕,咁就要同屋企人同埋另一半傾下,決定下一步行動啦!

確認過個套係穿的

如果安全套係有穿窿嘅情況,而且體外射精並唔係一個非常有效嘅安全措施,所以都建議你喺性行為後7日/ 11日進行驗孕~

Sorry係冇穿:joy: