事後丸會影響幾多次嘅經期

女朋友因為試過一個月內食過兩次事後丸,結果嗰個月足足隔咗40日先嚟M
(第二次食係睇咗醫生)

今個月都係已經第40日不過仲未嚟
但係前幾日佢話已經有少少出血同埋有嚟M前嘅嗰種M痛

今個月我哋嘅兩次性行為都係用咗殺精劑作為避孕方法
會唔會係避孕失敗?
定係因為之前食過事後丸所以而有嘅影響?

Hello​:smiling_face_with_three_hearts:想問吓你話女朋友一個月試過食兩次事後丸呢個情況係咪上個月發生?因為事後丸其中一個副作用係會令下一次月經提早/延遲嚟。另外其實都有好多因素影響月經周期,例如生活作息,飲食習慣,運動量,情緒壓力等,都會影響月經幾時嚟,出血日數,出血量,經前症狀等。所以你都可以問吓你女朋友呢一兩個月,有冇以上提及嘅因素上轉變,導致月經周期轉變。

有關殺精制嘅避孕效果可以參考返呢個post: https://discuss.stickyricelove.com/t/topic/6698/4

另外都可以提返你,事後丸只係用作緊急避孕嘅用途,一般唔建議用作長期避孕方法。因為其一,其他長期避孕嘅方法避孕率較高,其二,事後丸屬於高劑量嘅荷爾蒙藥物,比起事前避孕藥高出 8 到 10 倍,所以服用後容易出現噁心、嘔吐、頭暈、乳房脹痛等副作用。如果係是1 個月內使用超過 1 次以上,可能導致內分泌紊亂,例如亂經,導致經血量暴增,或者月經遲遲唔嚟。總括來講,如果你同女朋友係有恆常嘅性行為,可以考慮使用其他長期性嘅安全措施:ok_woman:t2:

一個月兩次事後丸係上一個月發生呀
嗰個月最後由再上一次月經計起成四十日先再有月經
而之後都冇再食事後丸

事後藥含有高劑量嘅荷爾蒙,所以有機會其中一個副作用係影響1-2次月經週期嘅情況,包括週期長度、流血日數、流血量、經痛程度等等。所以有機會上個月嘅事後藥影響咗今次月經。

而且,我哋唔建議同一個月經週期或者連續幾個月經週期服用緊急避孕藥,因為有機會對身體產生比較大嘅影響,更加會影響月經情況。

所以建議你哋選用其他適合嘅安全措施,例如安全套、避孕藥、避孕針、子宮環等等。

而除咗事後藥影響之外,本身月經都好容易受到其他身體因素影響嘅: